اقش-تا كوروناۆيرۋسقا قارسى ەگىلمەگەن اسكەري قىزمەتشىلەر جۇمىستان شىعارىلادى. بۇل تۋرالى قازاقستاندا COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram-كانالىندا ايتىلدى, دەپ حابارلايدى Egemen.kz.
اقش-تا 28 قاراشاعا دەيىن كوروناۆيرۋسقا قارسى ۆاكتسينا الماعان اسكەري قىزمەتشىلەر جۇمىستان شىعارىلادى. اسكەري-تەڭىز كۇشتەرىنىڭ رەزەرۆىندە تۇرعاندار دا ۆاكتسينا الۋعا مىندەتتى, ولار ءۇشىن سوڭعى مەرزىم — 28 جەلتوقسان. قازىرگى ۋاقىتتا امەريكا قورعانىس ۆەدومستۆوسىنىڭ مالىمەتىنشە, اسكەري-تەڭىز كۇشتەرىنىڭ 94% COVID-19 ۆاكتسيناتسياسىنىڭ تولىق كۋرسىنان ءوتتى.
ۋكراينادا مەملەكەتتىك مەكەمەلەر, ماڭىزدى سالالارداعى كاسىپورىنداردىڭ قىزمەتكەرلەرى, الەۋمەتتىك قىزمەتكەرلەر مەن پوشتاشىلار كوروناۆيرۋسقا قارسى ۆاكتسينا الۋى ءتيىس. ەلدىڭ دەنساۋلىق ساقتاۋ مينيسترلىگىنىڭ باسشىسى ۆيكتور لياشكو بۇدان ءارى تىزىمگە جەرگىلىكتى ءوزىن-ءوزى باسقارۋ ورگاندارىنىڭ, كوممۋنالدىق كاسىپورىنداردىڭ, مۋنيتسيپالدىق مەكەمەلەردىڭ قىزمەتكەرلەرى ەنگىزىلۋى مۇمكىن ەكەنىن ايتتى.
يتاليادا جۇمىس ورىندارىنا كىرۋ ءۇشىن مىندەتتى COVID-سەرتيفيكاتتارى قولدانىلا باستادى. Green pass ەلەكتروندىق سەرتيفيكاتتارىن ەنگىزۋ تۋرالى شەشىم ءبىر اي بۇرىن ماقۇلداندى. يتاليادا ازاماتتاردىڭ 80,8% كوروناۆيرۋسقا قارسى تولىعىمەن ەگىلدى, ال تۇرعىنداردىڭ 85% استامى ۆاكتسينانىڭ ءبىر دوزاسىن الدى.