اسقار مامين ءىرى كولىك ينفراقۇرىلىمى جوبالارىنىڭ ىسكە اسىرىلۋىن تەكسەردى

ۇزىندىعى 768 شاقىرىم بولاتىن (شىعىس قازاقستان وبلىسىنىڭ اۋماعى بويىنشا – 454 كم, الماتى وبلىسىنىڭ اۋماعى بويىنشا – 314 كم) «وسكەمەن-تالدىقورعان» اۆتوجولىن سالۋ جوباسى بويىنشا ۇكىمەت باسشىسىنا نەگىزگى جۇمىستاردىڭ اياقتالعانى جانە جىل سوڭىنا دەيىن اۆتوموبيل قوزعالىسىنىڭ اشىلاتىنى تۋرالى باياندالدى.

ۇزىندىعى 415 شاقىرىمعا سوزىلاتىن «قالباتاۋ-مايقاپشاعاي» تاس جولىن رەكونسترۋكتسيالاۋ جوباسى بويىنشا 127 شاقىرىم جولدا قوزعالىس اشىلدى, جۇمىستاردى 2022 جىلى تولىق اياقتاۋ جوسپارلانعان. 

ء«ۇشارال-دوستىق» اۆتوجولى بويىنشا 180 شاقىرىمنان 145 شاقىرىم جول پايدالانۋعا بەرىلدى, جۇمىستاردى 2022 جىلدىڭ ءبىرىنشى جارتىجىلدىعىندا تولىق اياقتاۋ جوسپارلانعان.

قاراعاندى وبلىسىندا پرەمەر-مينيستر جالپى ۇزىندىعى 946 شاقىرىم بولاتىن «قاراعاندى-بالقاش-بۋرىلبايتال-كۇرتى-قاپشاعاي» اۆتوموبيل جولىن رەكونسترۋكتسيالاۋ بارىسىن تەكسەردى. بيىل ءتورت جولاقتى جول بويىنشا 765 شاقىرىم جولدا قوزعالىس قامتاماسىز ەتىلەدى. «مەركى-بۋرىلبايتال» (262 كم) اۆتوجولى بويىنشا قوزعالىس تولىق اشىلادى.

وسكەمەن قالاسىندا ۇكىمەت باسشىسىنا حالىقارالىق اۋەجايدىڭ ۇشۋ-قونۋ جولاعىن رەكونسترۋكتسيالاۋدىڭ اياقتالعانى تۋرالى باياندالدى – ۇقج ۇزىندىعى 2800 م دەيىن, ەنى 60 م دەيىن ۇلعايتىلدى. اسفالتبەتون جابىنىن تولىق اۋىستىرۋ جۇرگىزىلدى, جارىق-سيگنالدىق جابدىقتىڭ جاڭا جۇيەسى ورناتىلدى. 30 توننالىق جۇك تەرمينالىنىڭ جانە 100 توننالىق ۋاقىتشا جۇك ساقتاۋ قويماسىنىڭ قۇرىلىسىن اياقتاۋ جوسپارلانعان.

سونداي-اق, پرەمەر-مينيسترگە ءۇشارال قالاسىنداعى اۋەجايدىڭ ۇشۋ-قونۋ جولاعىن رەكونسترۋكتسيالاۋ بارىسى تۋرالى باياندالدى, ول 2022 جىلعى 1 مامىردا اياقتالادى. 2021 جىلى قازاقستاندا 8,4 مىڭ شاقىرىم اۆتوجول قۇرىلىس جانە قايتا جاڭارتۋ جۇمىستارىمەن قامتىلدى, ونىڭ ىشىندە رەسپۋبليكالىق ماڭىزى بار جولدار – 5 مىڭ شاقىرىم, جەرگىلىكتى جەلى – 3,4 مىڭ شاقىرىم. جول-قۇرىلىس جۇمىستارىنا 200 مىڭعا جۋىق ادام تارتىلعان. بيىل ەلىمىزدەگى 5,1 مىڭ شاقىرىم جولدا جۇمىستار اياقتالادى.

قالعان جۇمىس كولەمى وتپەلى جانە 2022 جىلى ورىندالاتىن بولادى. جۇمىس ساپارىنا شىعىس قازاقستان وبلىسىنىڭ اكىمى دانيال احمەتوۆ, الماتى وبلىسىنىڭ اكىمى اماندىق باتالوۆ, قاراعاندى وبلىسىنىڭ اكىمى جەڭىس قاسىمبەك, يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك قاماليەۆ, «قازاۆتوجول» ۇك» اق باسقارما توراعاسى اسقار مۇرات ۇلى جانە ت. ب. قاتىستى.