شقو-دا ەكى زەينەتكەردى اياۋسىز ولتىرگەن قىلمىسكەر ۇستالدى

پوليتسيا ءىس جايلى تولىعىراق ايتتى.

ۆەدومستۆونىڭ حابارلاۋىنشا, قايعىلى وقيعا 25 قاڭتاردا پريبرەجنىي اۋىلىندا بولعان.

«ۇيدە ەدەندە ونىڭ يەلەرىنىڭ جارتىلاي كۇيدىرىلگەن مايىتتەرى (83 جاستاعى ايەل جانە 74 جاستاعى ەر ادام) تابىلدى. ولاردىڭ دەنەلەرىندە پىشاق جاراقاتتارى كوپ بولدى. اتالعان فاكتىگە قاتىستى قر قك 99 - بابى 2-بولىگى بويىنشا سوتقا دەيىنگى تەرگەۋ باستالدى (ادام ءولتىرۋ), ونىڭ اياسىندا 8 اي بويى جەدەل ۋاكىلدەر وقيعانىڭ بارلىق ءمان-جايلارىن مۇقيات زەرتتەدى», دەلىنگەن حابارلامادا.

قازان ايىندا كۇدىكتى انىقتالدى.

«ول 37 جاستاعى ەر ادام بولىپ شىقتى. كىسى ولتىرگەننەن كەيىن ول ادەيى ءۇيدى ورتەپ, قاشىپ كەتتى. قازىر كۇدىكتى قاماۋدا, سوتقا دەيىنگى تەرگەۋ جالعاسۋدا», دەدى شقو پوليتسيا باستىعىنىڭ ورىنباسارى تالعات شاياحمەتوۆ.

بۇل قىلمىس ءۇشىن كۇدىكتىگە, سوت ونى كىنالى دەپ تانىعان جاعدايدا, 20 جىلعا دەيىن جازا نە ءومىر بويى باس بوستاندىعىنان ايىرۋ تاعايىندالۋى مۇمكىن.