نورۆەگيانىڭ وسلو قالاسىندا ءوتىپ جاتقان الەم چەمپيوناتىندا گرەك-ريم كۇرەسىنەن قازاقستان كومانداسىنىڭ كاپيتانى المات كەبىسپاەۆ جارتىلاي فينالعا شىقتى دەپ حابارلايدى Egemen.kz ۇوك-كە سىلتەمە جاساپ.
67 كەلىگە دەيىنگى سالماقتا سىنعا تۇسكەن المات كەبىسپاەۆ شيرەك فينالدا كىلەم قوجايىنى, 2020 جىلعى ەۋروپا چەمپيونى مورتەن تورەسەنمەن كەزدەسكەن بولاتىن.
تارتىستى بەلدەسۋدىڭ ءبىرىنشى كەزەڭىندە المات قارسىلاسىنا 0:5 ەسەبىمەن جول بەردى. ەكىنشى كەزەڭدە ءساتتى ءادىس جاساپ, تورتتاعان كەزىندە ماڭىزدى ۇپاي يەلەنىپ, 9:6 ەسەبىمەن جەڭىسكە جەتتى.
جارتىلاي فينالدا المات كەبىسپاەۆ رەسەيلىك نازير ابدۋللاەۆپەن بەلدەسەدى.