الماتى قالاسى ءبىلىم باسقارماسى باسشىسىنىڭ ورىنباسارى قايرات جۇمانوۆ وڭىرلىك كوممۋنيكاتسيا الاڭىندا وتكەن بريفينگتە مەكتەپ سالۋ جوسپارى تۋرالى ايتتى, دەپ جازادى Egemen.kz.
ونىڭ ايتۋىنشا, مەملەكەت باسشىسىنىڭ 2021 جىلعى جولداۋىندا جاريالانعان تاپسىرمالاردى ىسكە اسىرۋ اياسىندا الماتى قالاسى ءبىلىم باسقارماسىندا جۇيەلى جۇمىستار جۇرگىزىلۋدە.
«قازىر 12 600 ورىندى 8 جالپى ءبىلىم بەرۋ مەكتەبىنىڭ قۇرىلىسى جانە 8 263 ورىندى 17 مەكتەپتىڭ قوسىمشا قۇرىلىسى ءجۇرىپ جاتىر. جاڭا وقۋ جىلىنىڭ باسىنا دەيىن 3 جاڭا عيماراتتىڭ قۇرىلىسى اياقتالدى جانە قىركۇيەكتە 4 150 ورىنعا ارنالعان قوسىمشا قۇرىلىس اياقتالدى. 4113 ورىنعا ارنالعان قالعان 8 قوسىمشانىڭ قۇرىلىسى قاراشا ايىنىڭ سوڭىنا دەيىن بىتەدى. جاڭا وقۋ جىلىنىڭ باسىنا دەيىن 2 656 ورىنعا ارنالعان 13 جەكەمەنشىك مەكتەپ اشىلدى. وسىلايشا جىل سوڭىنا دەيىن 16 مىڭنان استام وقۋشى جاڭا ورىنمەن قامتىلادى», دەيدى ول.
سونداي-اق ول «مەكتەپكە جول» اكتسياسى اياسىندا قالاداعى از قامتىلعان وتباسىدان شىقان وقۋشىلارعا كومەك كورسەتىلگەنىن جەتكىزدى.
«مەملەكەت باسشىسىنىڭ تاپسىرماسىن ورىنداۋ ماقساتىندا جىل سايىن «مەكتەپكە جول» جالپى ۇلتتىق اكتسياسى وتكىزىلەدى. جاڭا وقۋ جىلىنىڭ الدىندا الەۋمەتتىك قورعالماعان جانە از قامتىلعان وتباسىنان شىققان 22 142 وقۋشىعا 774 ملن 790 مىڭ تەڭگە كولەمىندە بيۋدجەت قاراجاتىنان كومەك كورسەتىلدى. بۇل رەتتە «مەكتەپكە جول» اكتسياسى اياسىندا دەمەۋشىلەر ەسەبىنەن 9 022 وقۋشىعا 123 ملن 399 مىڭ تەڭگەنىڭ كومەگى كورسەتىلدى», دەدى جۇمانوۆ.