ماسكەۋ فورماتىنداعى اۋعانستان بويىنشا كەلەسى كەزدەسۋ 20 قازاندا وتەدى. بۇل تۋرالى بەيسەنبىدە جۋرناليستەرگە رەسەي فەدەراتسياسى پرەزيدەنتىنىڭ اۋعانستان بويىنشا ارنايى وكىلى زامير كابۋلوۆ حابارلادى, دەپ جازادى Egemen.kz.
ونىڭ ايتۋىنشا, كەزدەسۋگە تاليبان قوزعالىسىنىڭ وكىلدەرى دە شاقىرىلادى.
ارنايى وكىل سونىمەن قاتار رەسەي, اقش, قىتاي مەن پاكىستاننىڭ قاتىسۋىمەن اۋعانستان بويىنشا «كەڭەيتىلگەن ۇشتىكتىڭ» وتىرىسىن وتكىزۋ جوسپارىن جاريالادى.
كابۋلوۆتىڭ ايتۋىنشا, كەزدەسۋ قازان ايىنىڭ سوڭىنا قاراي وتەدى.
ماسكەۋ فورماتىنداعى اۋعان ماسەلەسى بويىنشا كەلىسسوزدەر مەحانيزمى 2017 جىلى رەسەي, اۋعانستان, قىتاي, پاكىستان, يران مەن ءۇندىستاننىڭ قاتىسۋىمەن قۇرىلدى. كەزدەسۋلەر 2017 جانە 2018 جىلدارى ماسكەۋدە وتكەن بولاتىن.