قازاقستاننىڭ ءبىرىنشى, الەمنىڭ 16-راكەتكاسى ەلەنا رىباكينا جۇپتىق سىندا ينديان-ۋەللس (اقش) WTA 1000 ءتۋرنيرىنىڭ ەكىنشى اينالىمىنا شىقتى, دەپ حابارلايدى Egemen.kz.
ە.رىباكينا رەسەيلىك ۆەرونيكا كۋدەرمەتوۆامەن بىرگە العاشقى اينالىمدا اۋستراليالىقتار اناستاسيا جانە ارينا روديونوۆامەن شەبەرلىك بايقاستى. قازاقستاندىق-رەسەيلىك جۇپ 6:3, 3:6, 10:6 ەسەبىمەن جەڭىسكە جەتتى. 1 ساعات 18 مينۋتقا سوزىلعان ماتچ بارىسىندا ە.رىباكينا مەن ۆ.كۋدەرمەتوۆا 4 ەيس جاساپ, 5 برەيك-پوينتتىڭ ۇشەۋىن پايدالانا ءبىلدى. اۋستراليالىق جۇپ 3 برەيككە (9 برەيك-پوينت) قول جەتكىزدى.
ە.رىباكينا مەن ۆ.كۋدەرمەتوۆا ەكىنشى اينالىمدا چيليلىك الەكسا گۋاراچي – امەريكالىق دەزيرە كراۆچيك نەمەسە ۇلىبريتانيالىق حيتەر ۋوتسون – قىتايلىق سايساي چجەن جۇپتارىنىڭ قاي جەڭگەنىمەن كەزدەسەدى. ە.رىباكينا جەكەلەي سىندا ەكىنشى اينالىمدا وتانداسى يۋليا پۋتينتسەۆامەن كورتقا شىعادى. قاي جەڭگەنى ءۇشىنشى اينالىمعا وتەدى.