ۇزدىك جاس اقىندار انىقتالدى

جاس اقىندار اراسىنداعى رەسپۋبليكالىق بايقاۋدىڭ اشىلۋ سالتاناتىندا شىم­كەنت قالاسى اكىمىنىڭ ءبىرىنشى ورىنباسارى شىڭعىس مۇقان قاتىسۋشىلارعا ساتتىلىك تىلەپ, ءىس-شارانىڭ ماڭىزدىلىعىنا توقتالدى. بايقاۋدىڭ نەگىزگى ماقساتى – تاۋەلسىزدىكتىڭ 30 جىل­­دىعىندا جەتكەن جە­تىس­تىكتەردى ناسيحاتتاۋ, ادە­بي ۇر­دىستە دارىندى جاس اقىن­­­دار­دىڭ جارقىراپ كو­رىنۋىنە جول اشۋ. بايقاۋعا ەلى­مىزدىڭ 14 پەن 29 جاسقا دەيىنگى 30 جازبا اقىنى قاتى­سۋعا نيەت بىلدىرگەن. جاس اقىن­داردىڭ ىشىنەن وزا شاۋىپ, جارقىراي كورىنگەن ۇز­دىكتەردى قازاقستان جازۋ­شىلار وداعى باسقارما تور­­اعاسىنىڭ ورىنباسارى با­قىت بەدەلحان, قازاقستاننىڭ ەڭ­بەك سى­ڭىر­گەن قايراتكەرى ءحان­­بيبى ەسەنقاراقىزى, اقىن با­قىت­­جان الديار, «قا­­راتاۋ» ءداس­تۇرلى ونەر مەك­تەبىنىڭ ۇس­تا­زى اباي قال­شا­بەك, «اي­تىس اقىندارى مەن جىر­شى-تەر­مە­شىلەردىڭ حالىق­ارا­لىق ودا­عىنىڭ» مۇشەسى بەك­مۇرات انار­­باەۆ انىقتادى.

سونىمەن, اقتوبە وبلىسىنان كەلگەن ەرشات قايبولدين ادەبي بايقاۋدىڭ باس جۇلدەسى «كۇمىس قالام» يەگەرى اتاندى. اقتىق سىنعا شىققان ال­­­ماتى وبلىسىنىڭ وكىلى اي­­دانا قايساربەك ەسەنعالي راۋ­­شانوۆ اتىنداعى ارنايى سىي­لىقپەن ماراپاتتالدى. جار­­تىلاي فينالعا وتكەن 4 اقىن – نۇربولات جولداسبەك (جامبىل وبلىسى) «جاركەن بو­دەش ۇلى», ءالىمجان الى­شەر (شىمكەنت قالاسى) ء«ابىلدا ايماق», مۇقاعالي كەن­جەتاي (تۇركىستان وبلىسى) «جەڭىس ءباھادۇر», سالتانات ما­ديار­قىزى (شىمكەنت قا­لاسى) ءادىل بوتپانوۆ اتىنداعى سىي­لىققا يە بولدى. قالعان 14 اقى­نعا قالاماقى مەن با­عالى سىي­لىقتار بەرىلدى.

سونداي-اق ەلىمىزدە ال­عاش رەت ۇيىمداستىرىلىپ وتىر­عان رەسپۋبليكالىق «كۇ­مىس دومبىرا» بايگەسىندە نيەت بىلدىرگەن 30 ايتىسكەر اقىننىڭ ىرىكتەۋ ناتيجەسى بويىنشا 16-سى باق سىنادى. ايتىس ونەرىنىڭ شىڭى سانالىپ جۇرگەن «التىن دوم­بىرا» ۇردىسىمەن وتكەن «كۇ­مىس دومبىرا» ايتىسىندا كە­شەگى ومىردەن وتكەن اسەلحان قالىبەكوۆانىڭ شاكىرتتەرى مارجان ەسجانوۆا مەن كا­ريما ورالوۆا, مەملەكەتتىك «دارىن» سىيلىعىنىڭ لاۋ­رەا­تى بەكارىس شويبەكوۆ, سىر سۇلەيلەرىنىڭ تۇياعى, «ال­تىن دومبىرانى» ءۇش دۇركىن جە­ڭىپ العان مۇحتار نيازوۆ, «شىمكەنت كەلبەتى» گازەتىنىڭ باس رەداكتورى باح­تيار تاي­جان قازىلىق ەتتى. سايىس نا­تيجەسى بويىن­شا اقمولا وب­لىسىنىڭ وكىلى نۇرماحان جا­قىپبەك باس جۇلدە – «كۇ­مىس دومبىرا» يە­گەرى اتاندى. ال اي­شولپان تولەۋتاي (شىعىس قا­زاقستان وبلىسى) 1-ورىن­­عا يە بولسا, بەكسۇلتان ورىنباساروۆ (قىزىلوردا وبلىسى) 2-ورىن, مەيىرجان جاقىپ (تۇركىستان وبلىسى) پەن نۇرعالي ءاناپيا (شىم­كەنت قالاسى) 3-ورىندى جە­ڭىپ الدى.

شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان, قالالىق ءماسليحات حاتشىسى باحادىر نارىمبەتوۆ جەڭىمپازداردى قۇتتىقتاپ, باعالى سىيلىقتارمەن ماراپاتتادى.