جامبىل وبلىسىنداعى تەرىس-اششىبۇلاق اۋلىنىڭ مەكتەپ وقۋشىلارى 10 كۇننەن بەرى ساباققا بارا الماي ءجۇر. بۇل تۋرالى «استانا» تەلەارناسى حابارلادى.
تەرىس-اششىبۇلاق اۋىلىنىڭ وقۋشىلارى 1 جىلدان بەرى كورشىلەس اقتوبە اۋىلىنداعى مەكتەپكە قاتىناپ وقيدى ەكەن. وسى مەكتەپكە بالالاردى تاسىمالدايتىن اۆتوبۋستىڭ بۇزىلۋ سەبەبىنەن وقۋ باعدارلاماسىن جالعاستىرۋدىڭ ءساتى تۇسپەي تۇر.
جۋىردا بالالاردى كورشى مەكتەپكە الىپ شىققان جەڭىل كولىك جارتى جولدا اپاتقا ۇشىراپ, وقۋشىلار زارداپ شەگىپتى. ال قىزىل ارىق اۋىلدىق وكرۋگىنىڭ اكىمى ەرمەك سەيداليەۆ جاڭا كولىك العانشا, وقۋشىلاردى ەسكى اۆتوبۋسپەن تاسىمالداۋعا ءماجبۇر ەكەندىكتەرىن العا تارتتى. بىراق, ونى ساتىپ الۋعا بيىل قاراجات قاراستىرىلماعان كورىنەدى.
وسى ماسەلەگە بايلانىستى تەلەارنا ءتىلشىسى اۋداندىق ءبىلىم بولىمىنە حابارلاسقانىندا, وقۋشىلارعا جاڭا اۆتوبۋستىڭ كەلەر جىلى بولىنەتىنىن ايتىپتى.
ءامىرحان الماعانبەتوۆ.
دەرەككوز: «استانا» تەلەارناسى.
فوتو: Novate.ru.
.