ەلىمىزدە وسى جىلدىڭ 1 ساۋىرىندە سالىمشىلاردىڭ جەكە ەسەپشوتتارى مەن زەينەتاقى جيناقتارى بىرىڭعاي جيناقتاۋشى زەينەتاقى قورىنا اۋدارىلادى. بۇل ءىس ارنايى كەستە بويىنشا قولعا الىنعالى وتىر.
رەسپۋبليكامىزدا بيىل 60 مىڭ جەڭىل كولىك شىعارىلادى. وسىنىڭ نەگىزىندە جوسپاردى 112 پايىزعا جەتكىزۋگە مۇمكىندىك جاسالماق.
«قازترانسگاز» اق-تىڭ بىلتىرعى تازا تابىسى 51 ملرد. تەڭگەنى قۇرادى. بۇل رەتتە ەكسپورتقا گاز وتكىزۋ جونىندەگى جوسپار 115 پايىزعا ورىندالعان.
الماتى قالاسى الداعى بەس جىلدا يننوۆاتسيالىق دامۋ ورتالىعىنا اينالادى. ونى جۇزەگە اسىرۋ ءۇشىن جوبا ازىرلەندى.
اقتوبە وبلىسىنداعى كاسىپكەرلەر پالاتاسى جانىنان «جاڭا ءداۋىر كاسىپكەرلەرى» كلۋبى اشىلدى. وندا جاڭا جوبالاردى راسىمدەۋ جانە قارجىلاندىرۋ بويىنشا جۇمىس جۇرگىزىلەدى.
سولتۇستىك قازاقستان وبلىسى وتكەن جىلى قامباعا 5,2 ملن. توننا استىق قۇيدى. ەندى جەرگىلىكتى ءوڭىر ءوسىم كولەمىنىڭ ارتۋىنا بايلانىستى 120 مىڭ توننا استىق ساقتايتىن ەلەۆاتوردى ىسكە قوسۋدى كوزدەپ وتىر.
اتىراۋ وبلىستىق اۋرۋحاناسىنىڭ دارىگەرلەرى العاش رەت لاپاراسكوپيالىق ادىسپەن بۇيرەككە وتا جاسادى. ارنايى ەسەپكە الىنعان ناۋقاستارعا دا وسى ءتاسىل قولدانىلادى.
ماڭعىستاۋ وبلىسىندا جاس وتباسىلارعا پاتەر كىلتى تابىس ەتىلدى. ال جاقىن ارادا تاعى 200 جاس وتباسى جاڭا پاتەرلەرگە قونىستانادى.
Egemen.kz حابارلارى مەن وبلىستىق اكىمدىكتەر سايتتارىنىڭ
ماتەريالدارى بويىنشا دايىندالدى.