XXII قىسقى وليمپيالىق ويىنداردىڭ سالتاناتتى اشىلۋىن «فيشت» ۇلتتىق ستاديونىنان 40 مىڭ ادام كورسە, تەلەاۋديتوريا ارقىلى جەر شارىنىڭ 3 ملرد. كورەرمەنى تاماشالادى.
● ويىنداردىڭ سالتاناتتى اشىلۋىنا 44 مەملەكەتتىڭ باسشىسى قاتىستى. بۇل مولشەر مۇنىڭ الدىنداعى تۋرين مەن ۆانكۋۆەردى قوسىپ ەسەپتەگەندە دە كوپ.
● وليمپياداعا 88 ەلدىڭ قۇراما كوماندالارى ساپىندا 3 000 سپورتشى كەلدى. بۇلاردىڭ اراسىندا ەۋروپادان – 49, ازيادان – 18, امەريكادان – 15, افريكادان – 3, وكەانيادان 3 ەل بار.
● شارانى وتكىزۋگە 12 مىڭ ادام تارتىلدى. ولاردىڭ اراسىندا 3 مىڭ اكتەر, 2 مىڭ ۆولونتەر بولدى. ال شەرۋ شەبىمەن 88 ەلدىڭ 3,5 مىڭ سپورتشىسى ءجۇرىپ ءوتتى.
● دەكوراتسيانى جاساۋعا رەسەيدەن بولەك, اقش, كانادا, انگليا, اۆستراليا, گوللانديا جانە شۆەتسيا ەلدەرىنىڭ ماماندارى اتسالىستى.
● «فيشت» ستاديونىندا جالپى كولەمى 8,5 مىڭ شارشى مەتردەن اساتىن اۋىسپالى ساحنا جابدىقتالىپ, وعان 25 ليفتىلىك كوتەرمە مەن 18 جابىق ليۋك قىزمەت كورسەتتى.
● سالتانات كەزىندە جيىنتىق قۋاتى 1 ملن. ۆاتتقا تەڭ بارلىعى 500 داۋىس كۇشەيتكىش ىسكە قوسىلدى. اكتەرلىك قۇرام مەن تەحنيكالىق پەرسونال 15 مىڭنان اسا قۇلاقشالى ءپورتاتيۆتى راتسيالار ارقىلى جۇمىس ىستەدى.
● ارەنانى 2,64 ملن. ۆاتتىق 132 قۋاتتى پروجەكتور جارىقتاندىرىپ تۇردى. بەينەلەردى بىردەن 140 تەلەۆيزيالىق كامەرالار ءتۇسىردى.
● اشىلۋ سالتاناتى وتكەن كۇنى سوچي اۋەجايى ءوزىنىڭ جاڭا رەكوردىن جاساپ, 8,7 مىڭنان اسا قوناقتار مەن سپورتشىلارعا قىزمەت كورسەتتى. بۇل كۇنى جالپى اۋەجاي قىزمەتكەرلەرى 11 360 جولاۋشىنى قابىلداپ الدى.
● سوچيدەگى كەلەسى رەكورد بالا تۋ كورسەتكىشى بويىنشا تىركەلدى. اقپاننىڭ 7-ءى كۇنى مۇندا 34 نارەستە, سونىڭ ىشىندە 24 ۇل جانە 10 قىز دۇنيەگە كەلدى.
● وسى كۇنى كۋبان ولكەسىنىڭ ورتالىعى – كراسنودار قالاسىندا دا جاڭا رەكورد جاسالدى. ويىندار اشىلار مەزەتتە وندا 100 جۇپ سالتاناتتى جاعدايدا نەكەگە تۇردى.