وڭىرلەردە, اسىرەسە, اۋىلدىق جەرلەردە جاڭا جۇمىس ورىندارىنىڭ اشىلۋى – جاڭالىق. بۇل حالىق تۇرمىسىنا قاجەتتى نارسە ءوندىرۋ ارقىلى ەل ەكونوميكاسىن ارتتىرۋعا ۇلەس قوسامىن دەگەن ماقساتتى ۇستانسا – قۋانىش.
ماڭعىستاۋ اۋدانىنىڭ ورتالىعى شەتپە اۋىلىندا ۇن شىعاراتىن تسەح اشىلدى. كومبينات تاۋلىگىنە 3 توننا ۇن وندىرەدى. ماڭعىستاۋ وبلىستىق كوممۋنيكاتسيا قىزمەتى ۇسىنعان مالىمەتتە قازىر تسەحتىڭ اۋىل تۇرعىندارىنىڭ قاجەتتىلىگىن وتەپ وتىرعانى ايتىلادى. ازىرگە تۇتىنۋشىلاردىڭ اكەلگەن بيدايىن تارتىپ بەرۋ جۇمىستارىن ۇيىمداستىراتىن كاسىپكەر الداعى ۋاقىتتا استىقتى وڭىرلەردەن بيداي اكەلىپ, ۇن شىعارۋدى جوسپارلاپ وتىر.
بۇل كاسىپتى باستاۋ ءۇشىن «سەگىزباي اتا» وندىرىستىك كووپەراتيۆىنىڭ باسشىسى مۇحتار قارمىسوۆ زاماناۋي ۇلگىدەگى قۇرىلعىنى ساتىپ الۋ ءۇشىن «كاسپي» الەۋمەتتىك-كاسىپكەرلىك كورپوراتسياسى ارقىلى 10 ملن تەڭگە قايتارىمدى قارجى العان. ساتىپ العان اپپاراتى بيدايدى تازالاپ, شاڭىن قاعىپ, تارتىپ شىعارادى, ال قۋاتىنا كەلسەك كۇنىنە 5 تونناعا دەيىن ۇن وندىرۋگە قاۋقارلى.
– قازىر كومبينات 2 ادامدى تۇراقتى جۇمىسپەن قامتىپ وتىر. بولاشاقتا تسەحتىڭ قۋاتتىلىعىن ارتتىرىپ, قىزمەتكەر سانىن كوبەيتۋدى كوزدەپ وتىرمىن, – دەيدى م.قارمىسوۆ.
جەرگىلىكتى تۇرعىندار جەكە كاسىپكەردىڭ قىزمەتىنە ساتتىلىك تىلەپ, كاسىبىنىڭ ارناسى كەڭەيىپ, حالىققا كورسەتەر قىزمەتىنىڭ باياندى بولۋىنا تىلەك بىلدىرۋدە.
ماڭعىستاۋ وبلىسى