2021 جىلدىڭ ءبىرىنشى جارتىجىلدىعىندا «قازتەمىرترانس» اق-نىڭ 4,8 مىڭنان استام ۆاگونى جوسپارلى جوندەۋدەن ءوتتى. بۇل رەتتە كۇردەلى سالىمدار جوسپارى بويىنشا ۆاگونداردى جوندەۋ كولەمى 117%-دى قۇرادى, ياعني وتكەن جىلمەن سالىستىرعاندا 34 ۆاگونعا ارتىق. 2021 جىلى 2020 جىلعا قاراعاندا 9% كوپ ۆاگون كۇردەلى جوندەلگەن.
بيىل تامىز ايىندا «قازتەمىرترانس» اق ۆاگوندار پاركى 42 مىڭنان استام ۆاگوندى قۇراسا, ورتاشا توزۋ 54%-دان استى.
جۇك جونەلتۋشىلەردى جارامدى جىلجىمالى قۇراممەن قامتاماسىز ەتۋ ءۇشىن وسى جىلى جۇك ۆاگوندارىنىڭ پاركى جارتىلاي ۆاگونداردى ليزينگكە ساتىپ الۋ ەسەبىنەن تولىقتىرىلادى. تامىز ايىنىڭ سوڭىندا 850 اشىق ۆاگون ساتىپ الىندى. اعىمداعى جىلدىڭ قىركۇيەك ايىندا تاعى 150 ۆاگون جەتكىزىلدى.
2020 جىلدىڭ قاڭتارىنان باستاپ «قازتەمىرترانس» اق جۇك ۆاگوندارىن جوندەۋدىڭ جوسپارلى تۇرلەرىن جاسالعان شارتقا سايكەس سەرۆيستىك كومپانيا جۇرگىزەدى. كومپانيا ءۇشىن ۆاگونداردى جوندەۋ بەيىندى قىزمەت ەمەس ەكەندىگىنە قاراماستان, وسى سالانى قاتاڭ تالداۋ جانە باقىلاۋ جۇزەگە اسىرىلادى.
ەسكە سالا كەتەيىك, «قازتەمىرترانس» اق – «قازاقستان تەمىر جولى» ۇك» اق 100% ەنشىلەس كومپانياسى. ەلىمىزدەگى جۇك ۆاگون پاركىنىڭ ءىرى وپەراتورى تاسىمالداۋدى ۇيىمداستىرۋ پروتسەسىن جاقسارتۋ ءۇشىن ۇنەمى جۇمىس ىستەيدى.