2013 جىلعى 29 قاراشا, استانا قالاسى
قازاقستان رەسپۋبليكاسى باسەكەلەستىكتى قورعاۋ اگەنتتىگىنىڭ
(مونوپولياعا قارسى اگەنتتىك) ورتالىق اپپاراتى جانە اۋماقتىق بولىمشەلەرى قىزمەتكەرلەرىنىڭ قىزمەت ەتيكاسى قاعيدالارىن بەكىتۋ تۋرالى
«قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسى تۋرالى» قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى № 1567 جارلىعىنا وزگەرىستەر ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2013 جىلعى 1 قازانداعى جارلىعىنىڭ 2-تارماعىنا سايكەس بۇيىرامىن:
1. قازاقستان رەسپۋبليكاسى باسەكەلەستىكتى قورعاۋ اگەنتتىگىنىڭ (مونوپولياعا قارسى اگەنتتىك) ورتالىق اپپاراتى جانە اۋماقتىق بولىمشەلەرى قىزمەتكەرلەرىنىڭ قىزمەت ەتيكاسى قاعيدالارى بەكىتىلسىن.
2. قازاقستان رەسپۋبليكاسى باسەكەلەستىكتى قورعاۋ اگەنتتىگىنىڭ (مونوپولياعا قارسى اگەنتتىك) (بۇدان ءارى - اگەنتتىك) اكىمشىلىك دەپارتامەنتى (ق.م. قالدىقاراەۆ) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە زاڭنامادا بەلگىلەنگەن تارتىپپەن رەسمي جاريالانۋىن قامتاماسىز ەتسىن.
3. اگەنتتىكتىڭ اكىمشىلىك دەپارتامەنتى (ق.م. قالدىقاراەۆ) وسى بۇيرىقتى اگەنتتىكتىڭ قۇرىلىمدىق جانە اۋماقتىق بولىمشەلەرىنىڭ نازارىنا جەتكىزسىن.
4. وسى بۇيرىقتىڭ ورىندالۋىن باقىلاۋ اگەنتتىكتىڭ جاۋاپتى حاتشىسى ن.ءا. ابدىگە جۇكتەلسىن.
5. وسى بۇيرىق قول قويىلعان كۇنىنەن باستاپ قولدانىسقا ەنگىزىلەدى.
توراعا ب.قۋاندىقوۆ.
قازاقستان رەسپۋبليكاسى باسەكەلەستىكتى قورعاۋ اگەنتتىگى (مونوپولياعا قارسى اگەنتتىك) توراعاسىنىڭ 2013 جىلعى 29 قاراشاداعى №275-نق بۇيرىعىمەن بەكىتىلگەن
قازاقستان رەسپۋبليكاسى باسەكەلەستىكتى قورعاۋ اگەنتتىگى (مونوپولياعا قارسى اگەنتتىك) مەملەكەتتىك قىزمەتشىلەرىنىڭ قىزمەت ەتيكاسى قاعيدالارى
1. قازاقستان رەسپۋبليكاسى باسەكەلەستىكتى قورعاۋ اگەنتتىگى (مونوپولياعا قارسى اگەنتتىك) مەملەكەتتىك قىزمەتشىلەرىنىڭ قىزمەتتىك ەتيكاسىنىڭ وسى قاعيدالارى (بۇدان ءارى - قاعيدالار) «قازاقستان رەسپۋبليكاسى مەملەكەتتىك قىزمەتشىلەرىنىڭ ار-نامىس كودەكسى تۋرالى» (بۇدان ءارى – ار-نامىس كودەكسى) قازاقستان رەسپۋبليكاسى پرەزيدەنتىنىڭ 2005 جىلعى 3 مامىرداعى № 1567 جارلىعىنا وزگەرىستەر ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2013 جىلعى 1 قازانداعى № 651 جارلىعىنىڭ 2-تارماعىنا, «مەملەكەتتىك قىزمەت تۋرالى» قازاقستان رەسپۋبليكاسىنىڭ زاڭىنا جانە «سىبايلاس جەمقورلىقپەن كۇرەس تۋرالى» قازاقستان رەسپۋبليكاسىنىڭ زاڭىنا (بۇدان ءارى – مەملەكەتتىك قىزمەت سالاسىندا جانە سىبايلاس جەمقورلىقپەن كۇرەس تۋرالى زاڭناما) سايكەس ازىرلەندى.
2. قاعيدالار قازاقستان رەسپۋبليكاسى باسەكەلەستىكتى قورعاۋ اگەنتتىگى (مونوپولياعا قارسى اگەنتتىك) مەن ونىڭ اۋماقتىق بولىمشەلەرىنىڭ مەملەكەتتىك قىزمەتشىلەرى (بۇدان ءارى – اگەنتتىكتىڭ مەملەكەتتىك قىزمەتشىلەرى) وزدەرىنىڭ قىزمەتتىك مىندەتتەرىن اتقارۋى بارىسىندا ارىپتەستەرىمەن جانە ازاماتتارمەن ءوزارا قارىم-قاتىناس كەزىندە مىنەز-قۇلقىنىڭ نەگىزگى نورمالارىن ايقىندايدى.
3. اگەنتتىكتىڭ مەملەكەتتىك قىزمەتشىلەرى ءوزىنىڭ قىزمەتىندە:
1) زاڭدىلىق قاعيداتتارىن, قازاقستان رەسپۋبليكاسى كونستيتۋتسياسىنىڭ, زاڭدارى مەن وزگە دە نورماتيۆتىك قۇقىقتىق اكتىلەرىنىڭ تالاپتارىن باسشىلىققا العانى;
2) ادالدىق, ءتارتىپ, جاۋاپكەرشىلىك, بەلسەندىلىك, باستاماشىلىق تانىتۋعا جانە كەلىسسوزدەر (كەزدەسۋلەر) بارىسىندا باسقا تۇلعالارعا شىدامدىلىق, سىپايىلىق, ادەپتىلىك جانە قۇرمەت كورسەتكەنى;
3) تەگiنە, الەۋمەتتiك, لاۋازىمدىق جانە مۇلiكتiك جاعدايىنا, جىنىسىنا, ناسiلiنە, ۇلتىنا, تiلiنە, دiنگە كوزقاراسىنا, نانىمىنا, تۇرعىلىقتى جەرiنە جانە وزگە دە جاعدايلارعا قاراماستان ادام مەن ازاماتتىڭ ارى مەن نامىسىن قۇرمەتتەگەنى;
4) قازاقستان حالقىنىڭ بىرلىگى مەن ەلدەگى ۇلتارالىق كەلىسىمدى نىعايتۋعا ىقپال ەتۋگە, مەملەكەتتىك تىلگە جانە باسقا تىلدەرگە, قازاقستان حالقىنىڭ سالتتارى مەن داستۇرلەرىنە قۇرمەتپەن قاراعانى;
5) ادال, ءادىل, قاراپايىم دا سىپايى بولۋعا, جالپى قابىلدانعان مورالدىق-ەتيكالىق نورمالاردى ساقتاۋعا, ازاماتتارمەن جانە ارىپتەستەرمەن قارىم-قاتىناستا سىپايىلىق پەن ادەپتىلىك تانىتقانى;
6) ءوزىنىڭ ءىس-ارەكەتتەرىمەن قوعام تاراپىنان نەگىزدى سىنعا سەبەپكەر بولماۋعا, سىناعانى ءۇشىن قۋدالاۋعا جول بەرمەۋگە, وڭ سىن-ەسكەرتپەلەردى كەمشىلىكتەردى جويۋ مەن ءوزىنىڭ قىزمەتىن جاقسارتۋ ءۇشىن پايدالانعانى;
7) مەملەكەتتىك مەنشىكتىڭ ساقتالۋىن قامتاماسىز ەتەدى, سەنىپ تاپسىرىلعان مەملەكەتتىك مەنشىكتى, اۆتوكولىك قۇرالدارىن قوسا العاندا ۇتىمدى, ءتيىمدى جانە قىزمەتتىك ماقساتتا عانا پايدالانعانى;
8) ءوز مىندەتتەرىن ءتيىستى دارەجەدە ورىنداۋعا, ناقتى قالىپتاسقان جاعدايدى ەسكەرە وتىرىپ, جۇمىستى ۇيىمداستىرعانى جانە جوسپارلاعانى;
9) جۇمىس ۋاقىتىن ءتيىمدى پايدالانۋعا جانە باسقا مەملەكەتتىك قىزمەتشىلەرگە ۇجىمدا وزدەرىنىڭ ەڭبەك مىندەتتەرىن ورىنداۋىنا كەدەرگى كەلتىرەتىن ءىس-قيمىلداردان اۋلاق بولعانى;
10) قىزمەتتىك دارەجە ساتىسىن ساقتاعانى;
11) مۇددەلەر شيەلەنىسىنىڭ الدىن الۋ جانە رەتتەۋ بويىنشا شارالار قابىلداعانى;
12) ءوزىنىڭ قىزمەتتىك مىندەتتەرىن اتقارۋ كەزەڭىندە كيىم كيۋدىڭ ىسكەرلىك ءستيلىن ۇستانعانى;
13) ءوزىنىڭ قىزمەتتىك مىندەتتەمەلەرىن ورىنداعان كەزدە, مەملەكەتتىك قىزمەتشىلەردىڭ باستاماشىلىعىن قولداۋعا جانە كوتەرمەلەگەنى;
14) قىزمەتتىك مىندەتتەرىن ءتيىمدى ورىنداۋ ءۇشىن ءوزىنىڭ كاسىبي دەڭگەيى مەن بىلىكتىلىگىن ارتتىرعانى;
15) ار-نامىس كودەكسىندە بەلگىلەنگەن سىبايلاس جەمقورلىق ءتارتىبىن ساقتاعانى ءجون.
4. اگەنتتىكتىڭ مەملەكەتتىك قىزمەتشىلەرى مەملەكەتتىك ساياسات جانە قىزمەتتىك ءىسىنىڭ ماسەلەلەرى جونىندەگى ءوز پىكىرىن, ەگەر ول:
1) مەملەكەت ساياساتىنىڭ نەگىزگى باعىتتارىنا سايكەس كەلمەسە;
2) جاريالاۋعا رۇقسات ەتىلمەگەن قىزمەتتىك اقپاراتتى اشاتىن بولسا;
3) مەملەكەتتىڭ لاۋازىمدى تۇلعالارىنىڭ, مەملەكەتتىك باسقارۋ ورگاندارىنىڭ, باسقا مەملەكەتتىك قىزمەتشىلەردىڭ اتىنا ادەپكە ساي ەمەس سوزدەر ايتۋدان تۇرسا, كوپشىلىك الدىندا بىلدىرۋىنە بولمايدى.
5. اگەنتتىكتە مەملەكەتتىك قىزمەت جانە ەڭبەك سالاسىنداعى قازاقستان رەسپۋبليكاسىنىڭ زاڭناماسىندا بەلگىلەنگەن جاعدايلاردى قوسپاعاندا, كادرلىق شەشىمدەردى قابىلداعان كەزدە مەملەكەتتىك قىزمەتشىلەرگە كەمسىتۋدىڭ كەز-كەلگەن نىساندارىنا, سونداي-اق جەكەلەگەن مەملەكەتتىك قىزمەتشىلەرگە تامىر-تانىستىق, ارتىقشىلىقتار مەن جەڭىلدىكتەردىڭ كەز-كەلگەن نىسانىنا جول بەرىلمەيدى.
6. اگەنتتىكتىڭ مەملەكەتتىك قىزمەتشىسى قىزمەتتەن تىس ۋاقىتتا:
1) قىزمەتتەن تىس ۋاقىتتا جالپى قابىلدانعان مورالدىق-ەتيكالىق نورمالاردى ۇستانۋعا, قوعامعا جات مىنەز-ق ۇلىق جاعدايلارىنا جول بەرمەۋى;
2) قاراپايىمدىلىق تانىتۋعا جانە ءوزىنىڭ جەكە ومىرىندە تەرىس قوعامدىق پىكىر تۋعىزاتىن ءىس-ارەكەتتەرگە جول بەرمەۋى;
3) اگەنتتىك مەملەكەتتىك قىزمەتشىسىنىڭ جوعارى اتاعىنا كىر كەلتىرۋى مۇمكىن كەز-كەلگەن جەكە بايلانىستاردان قاشۋى قاجەت.
قىزمەتتەن تىس قاتىناستاردا اگەنتتىكتىڭ مەملەكەتتىك قىزمەتشىلەرى وسى قاعيدالاردىڭ جانە مەملەكەتتىك قىزمەت سالاسىندا جانە سىبايلاس جەمقورلىقپەن كۇرەس تۋرالى زاڭنامانىڭ تالاپتارىن ساقتاعانى جانە اگەنتتىكتىڭ مەملەكەتتىك قىزمەتشىسىنىڭ بەدەلىنە, نامىسىنا نۇقسان كەلتىرۋى نەمەسە ونىڭ اقيقاتتىعىنا, ادىلدىگىنە, وبەكتيۆتىلىگىنە جانە ءادىل سىنشىلدىعىنا كۇمان كەلتىرۋى مۇمكىندىكتەرىنەن قاشقانى ءجون.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 25 جەلتوقساندا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9021 بولىپ ەنگىزىلدى.