«تاليبان» لانكەستىك ۇيىمى قۇرعان اۋعانستاننىڭ ۋاقىتشا ۇكىمەتى قوزعالىستىڭ 34 وكىلىن ءتۇرلى مەملەكەتتىك لاۋازىمدارعا تاعايىندادى, دەپ حابارلايدى Egemen.kz.
بۇل تۋرالى The Indian Express اگەنتتىگى مالىمدەدى.
توپتىڭ رەسمي وكىلى زابيحۋللا ءمۋدجاحيدتىڭ مالىمدەمەسىندە, بەكىتىلگەن لاۋازىمداردىڭ ارقايسىسىنا تەك ءدىني اتاقتارعا يە قوزعالىس وكىلدەرى تاعايىندالعانى ايتىلعان.
جاڭا تاعايىنداۋلاردىڭ اراسىندا پرەمەر-ءمينيستردىڭ ساياسي ماسەلەلەر جونىندەگى ورىنباسارى, مينيسترلەردىڭ ورىنباسارلارى جانە اۋعان قىزىل جارتى اي قوعامى باسشىسىنىڭ ورىنباسارى بار. سونداي-اق ارميا قولباسشىلارى مەن قورعانىس مينيسترلىگىندەگى لاۋازىمدار, كابۋل, گيلمەند, گەرات جانە كانداگاردى قوسا العاندا, اۋعانستان پروۆينتسيالارىنداعى وكىلدەر بار.
34 جاڭا شەنەۋنىكتىڭ بارلىعى دەرلىك اۋعانستانداعى ەڭ ۇلكەن ەتنيكالىق توپ پۋشتۋنداردىڭ وكىلدەرى ەكەندىگى ايتىلدى.
ەسكە سالايىق, 8 قىركۇيەكتە «تاليبان» اۋعانستاندا ۋاقىتشا ۇكىمەت قۇرىپ, ەلدى يسلام امىرلىگى دەپ جاريالاعان بولاتىن.