ماڭعىستاۋ وبلىسىنىڭ اۋماعىندا ادام ساۋداسىنا بايلانىستى قىلمىستىڭ جولىن كەسۋگە, انىقتاۋعا جانە اشۋعا باعىتتالعان التى كۇندىك «STOP-ترافيك» جەدەل الدىن الۋ شاراسى ءوتتى, دەپ جازادى Egemen.kz.
شارا بارىسىندا ادام ساۋداسىنا قاتىستى 6 قىلمىس انىقتالعان. ونىڭ ىشىندە 3 فاكت – جەزوكشەلىكپەن اينالىسۋ ءۇشىن پريتوندار ۇيىمداستىرۋ نەمەسە ۇستاۋ جانە جەڭگەتايلىق (قر قك 309-بابى), 2 فاكت – كامەلەتكە تولماعانداردى ساتۋ (قر قك 135-بابى), 1 فاكت – كامەلەتكە تولماعاندى جەزوكشەلىكپەن اينالىسۋعا تارتۋ (قر قك 134-بابى).
انىقتالعان فاكتىلەر بويىنشا سوتقا دەيىنگى تەرگەۋ باستالدى. سونداي-اق, ءبىر ايەل قر اقبتك-ءنىڭ 450-بابى بويىنشا جەزوكشەلىكپەن نەمەسە جەڭگەتايلىقپەن اينالىسۋ ءۇشىن ءۇي-جاي بەرگەنى ءۇشىن اكىمشىلىك جاۋاپكەرشىلىككە تارتىلدى.
47 ادام - «جەزوكشە», ەكى ادام «سۋتەنەر» ساناتى بويىنشا ەسەپكە قويىلدى.
قر اقبتك-ءنىڭ 449-بابىنا ساي 13 ادام اكىمشىلىك جاۋاپكەرشىلىككە تارتىلدى.
«جەزوكشەلىكپەن اينالىساتىن جانە قر اۋماعىندا زاڭسىز جۇرگەن ەكى ادام اقتاۋ قالاسى پوليتسيا باسقارماسىنىڭ ارنايى قابىلداپ-تاراتۋ ورنىنا جابىلدى», دەپ جازادى Polisia.kz.