تارازدا تەراكت كەزىندە قازا تاپقان «حالىق قاھارمانى» عازيز بايتاسوۆقا ارنالعان ەسكەرتكىش تاقتا الماتىدا اشىلدى, دەپ حابارلايدى Egemen.kz.
وسىدان ون جىل بۇرىن تاراز قالاسىندا قارۋلى لاڭكەستى ۇستاۋ كەزىندە ەرلىكپەن قازا تاپقان پوليتسيا قىزمەتكەرى عازيز بايتاسوۆتىڭ ەسىمىن ەل ەسىندە ماڭگىلىككە ساقتاۋ ماقساتىندا ەلىمىزدە كوپتەگەن شارالار اتقارىلدى. باتىر ۇلعا «حالىق قاھارمانى» اتاعى بەرىلىپ, جەر-جەرلەردە ع.بايتاسوۆقا ارنالعان ەسكەرتكىش تاقتالار اشىلدى.
بۇگىن اتالعان وقيعانىڭ 10 جىلدىعىنا وراي ماقان ەسبولاتوۆ اتىنداعى الماتى اكادەمياسىندا «حالىق قاھارمانى» عازيز بايتاسوۆقا ارنالعان بۇرىشتاما تاقتا (ستەند) اشىلىپ, وعان باتىردىڭ جۇبايى ارنايى شاقىرىلدى.
الماتى اكادەمياسىنىڭ باسشىسى ايدار سايتبەكوۆ پەن مارقۇمنىڭ جۇبايى گۇلجامال ماحامبەتقىزى بۇرىشتاما تاقتانى سالتاناتتى تۇردە اشتى.
جاڭا اشىلعان بۇرىشتاماعا وركەستر اۋەنىمەن گۇل قويۋ ءراسىمىن وتكىزگەن سوڭ, اكادەميا عيماراتىندا ەكسكۋرسيا ۇيىمداستىرىلىپ, كلۋبتا وقىتۋشى-پروفەسسورلىق قۇراممەن, كۋرسانتتارمەن كەزدەسۋ وتكىزىلدى. عازيز بايتاسوۆتىڭ ەرلىگى جايلى دەرەكتى فيلم كورسەتىلدى.