ۇلىبريتانيا پرەمەر-ءمينيسترى بوريس دجونسون مەن اقش پرەزيدەنتى دجو بايدەن كەزدەسىپ, اۋعانستانداعى بىرلەسكەن ميسسيانىڭ ناتيجەسىن تالقىلادى, دەپ جازادى Egemen.kz.
بايدەن مەن دجونسون اۋعانستانداعى داعدارىستىڭ الدىن الۋ ءۇشىن بارلىق گۋمانيتارلىق جانە ديپلوماتيالىق قۇرالدى قولدانۋ كەرەك ەكەنىن ايتتى.
«پرەمەر-مينيستر مەن پرەزيدەنت بايدەن اۋعانستانداعى جاعدايدى جاقسارتۋ ءۇشىن ءومىرىن قۇربان ەتكەندەردى ەسكە الۋدىڭ ەڭ جاقسى جولى - گۋمانيتارلىق داعدارىستى بولدىرماۋ جانە اۋعانستانداعى جەتىستىكتى ساقتاپ قالۋ ءۇشىن قولدا بار بارلىق ديپلوماتيالىق جانە گۋمانيتارلىق قۇرالدى قولدانۋ ەكەنىنە كەلىستى», دەپ حابارلايدى ۇلىبريتانيا ۇكىمەتىنىڭ سايتى.
تاراپتاردىڭ پىكىرىنشە, «تاليبان» لاڭكەستىك توبىن تانۋ «تالىپەردىڭ ادام قۇقىقتارىن قۇرمەتتەۋىنە بايلانىستى» ۇيلەستىرىلۋى كەرەك.