الدىن الا مالىمەتتەر بويىنشا, سۋدانداعى توڭكەرىس ارەكەتىن ۇيىمداستىرۋشىلار - 2019 جىلى بيلىكتەن شەتتەتىلگەن ەلدىڭ بۇرىنعى پرەزيدەنتى ومار ءال-باشير رەجيمىنىڭ مۇشەلەرى, دەپ حابارلايدى Egemen.kz Al-Jazeerا ارناسىنا سىلتەمە جاساپ.
تەلەارنا دەرەككوزىنىڭ حابارلاۋىنشا, اسكەريلەر سۋدان بروندى اسكەرلەرىنىڭ شتاب-پاتەرىندەگى ب ۇلىكشى وفيتسەرلەرمەن كەلىسسوزدەر جۇرگىزۋدە.
بۇعان دەيىن بۇقارالىق اقپارات قۇرالدارى سۋدان ارمياسى سەيسەنبىدە توڭكەرىس ارەكەتىن بولدىرمايتىنىن مالىمدەدى, تانكتەر حارتۋمداعى بىرقاتار جولداردى جاۋىپ تاستادى. سۋداننىڭ جوعارى لاۋازىمدى اسكەري دەرەككوزى ەلدە اسكەري توڭكەرىس جاسالعانىن راستادى.
2019 جىلدىڭ ساۋىرىندە سۋداندا تەرەڭ ەكونوميكالىق داعدارىس پەن ءومىر ءسۇرۋ دەڭگەيىنىڭ تومەندەۋى اياسىندا 2018 جىلدىڭ جەلتوقسانىندا باستالعان جاپپاي حالىقتىق نارازىلىقتاردان تۋىنداعان اسكەري توڭكەرىس بولدى. ەلدى 30 جىل بويى باسقارعان پرەزيدەنت ومار ءال-باشير بيلىكتەن شەتتەتىلىپ, كەيىن تۇرمەگە جابىلدى.
2019 جىلدىڭ تامىز ايىنىڭ سوڭىندا سۋدان وتپەلى اسكەري كەڭەسىنىڭ باسشىسى ابدەل فاتتاح ءال-بۋرحان ەلدىڭ ەگەمەندى كەڭەسىنىڭ باسشىسى رەتىندە انت بەردى. سۋداننىڭ جاڭا پرەمەر-ءمينيسترى ابداللا حامدوك 2019 جىلدىڭ 21 تامىزىندا انت بەردى. اسكەري جانە ازاماتتىق بيلىك اۋقىمدى ساياسي جانە ەكونوميكالىق رەفورمالاردى جۇرگىزۋ ءۇشىن وتپەلى كەزەڭگە كەلىستى.