تالدىقورعاندا 300 ورىندىق بالاباقشا اشىلىپ, سابيلەرمەن ولاردىڭ اتا-انالارى شادىمان-شاتتىققا بولەندى. نەگىزى بۇرىندارى جەكەمەنشىككە ءوتىپ كەتكەن بالاباقشا عيماراتىن ەلباسى تاپسىرماسىنا سايكەس مەملەكەت مەنشىگىنە 2012 جىلى قايتارىپ, ونى كۇردەلى جوندەۋدەن وتكىزۋگە جەرگىلىكتى بيۋدجەتتەن 469,7 ملن. تەڭگە ءبولىنىپ, تولىق يگەرىلدى. «ق ۇلىنشاق» اتىنا يە بولعان بالاباقشانى الماتى وبلىسىنىڭ اكىمى اڭسار مۇساحانوۆ اشىپ: «ءار ءبۇلدىرشىن قامقورلىق پەن ايالى الاقان تابىن سەزىنىپ ءوسۋى كەرەك. بۇل تۋرالى مەملەكەت باسشىسى ءداستۇرلى جولداۋىندا جان-جاقتىلى ايتقانى ءمالىم. سوندىقتان جەتىسۋلىقتار مەكتەپكە دەيىنگى ءبىلىم بەرۋدە دە وزىندىك ورنىن وسىلاي ايشىقتاي بەرەدى», – دەدى. «بالاپان» مەملەكەتتىك باعدارلاماسى اياسىندا العاشقى قادامىن باسقان بوبەكجايعا بۇل كۇنى كىرگەن جان رازى بولىپ تەك العىستارىن اعىتتى. ەندى شە, تابالدىرىقتى اتتاعاننان تابان تايمايتىن ورنىقتىلىق پەن باسپالداقتان كوتەرىلەر جيەكتەردەگى ۇستاعىشتىڭ دا قولجەتىمدىلىگى بالا سەنىمىنە يە بولىپ, اتا-انا كوڭىلىن ورنىقتىرسا, قابىرعالارعا ىلىنگەن كارتينالار سول بالالاردىڭ ءوز قولدارىمەن سالعانداي اسەرگە بولەيدى. تىزبەلەي بەرسەڭىز بالالار قاجەتتىلىگىنىڭ بارلىعى تابىلىپ, وزىق ويدىڭ قاينار كوزى اشىلعانداي ءتانتى ەتەتىنى تاعى بار.
تالدىقورعاندا 300 ورىندىق بالاباقشا اشىلىپ, سابيلەرمەن ولاردىڭ اتا-انالارى شادىمان-شاتتىققا بولەندى. نەگىزى بۇرىندارى جەكەمەنشىككە ءوتىپ كەتكەن بالاباقشا عيماراتىن ەلباسى تاپسىرماسىنا سايكەس مەملەكەت مەنشىگىنە 2012 جىلى قايتارىپ, ونى كۇردەلى جوندەۋدەن وتكىزۋگە جەرگىلىكتى بيۋدجەتتەن 469,7 ملن. تەڭگە ءبولىنىپ, تولىق يگەرىلدى. «ق ۇلىنشاق» اتىنا يە بولعان بالاباقشانى الماتى وبلىسىنىڭ اكىمى اڭسار مۇساحانوۆ اشىپ: «ءار ءبۇلدىرشىن قامقورلىق پەن ايالى الاقان تابىن سەزىنىپ ءوسۋى كەرەك. بۇل تۋرالى مەملەكەت باسشىسى ءداستۇرلى جولداۋىندا جان-جاقتىلى ايتقانى ءمالىم. سوندىقتان جەتىسۋلىقتار مەكتەپكە دەيىنگى ءبىلىم بەرۋدە دە وزىندىك ورنىن وسىلاي ايشىقتاي بەرەدى», – دەدى. «بالاپان» مەملەكەتتىك باعدارلاماسى اياسىندا العاشقى قادامىن باسقان بوبەكجايعا بۇل كۇنى كىرگەن جان رازى بولىپ تەك العىستارىن اعىتتى. ەندى شە, تابالدىرىقتى اتتاعاننان تابان تايمايتىن ورنىقتىلىق پەن باسپالداقتان كوتەرىلەر جيەكتەردەگى ۇستاعىشتىڭ دا قولجەتىمدىلىگى بالا سەنىمىنە يە بولىپ, اتا-انا كوڭىلىن ورنىقتىرسا, قابىرعالارعا ىلىنگەن كارتينالار سول بالالاردىڭ ءوز قولدارىمەن سالعانداي اسەرگە بولەيدى. تىزبەلەي بەرسەڭىز بالالار قاجەتتىلىگىنىڭ بارلىعى تابىلىپ, وزىق ويدىڭ قاينار كوزى اشىلعانداي ءتانتى ەتەتىنى تاعى بار.
وسى تۇستا ايتا كەتەر ءبىر جايت, ءتۇرلى سەبەپپەن كەيبىر بالالار اعزاسىندا جۇرە پايدا بولىپ, دارىگەرلىك كەڭەس پەن الەۋمەتتىك قولداۋ دەر كەزىندە كورسەتىلسە تۇزەلىپ كەتەتىن ء(تىپتى بالا بالالىعىنا باسىپ ەرەنسىزدىكپەن وپىق جەيتىن) كەمشىلىكتەردى جوياتىن, ياعني بايىپپەن بەيىمدەيتىن ارنايى 60 ورىندىق 4 توپ اشىلدى.
بىلتىرعى جىلى 32 بالاباقشا پايدالانۋعا بەرىلسە سونىڭ ىشىندە 3 بالاباقشا رەسپۋبليكالىق بيۋدجەت ەسەبىنەن جاڭادان سالىندى. بيىل جەتىسۋ جەرىندە 9 بالاباقشا, 4 مەكتەپكە دەيىنگى مەكەمە كۇردەلى جوندەۋدەن وتكىزىلىپ, 13 مەملەكەتتىك-جەكەمەنشىك ارىپتەستىك اياسىنداعى مەكەمە اشىلادى.
نۇربول الدىباەۆ,
«ەگەمەن قازاقستان».
الماتى وبلىسى.