فرانتسيانىڭ سىرتقى ىستەر ءمينيسترى جان-يۆ لە دريان بۇعان دەيىن كانبەررانىڭ سۇڭگۋىر قايىقپەن كەلىسىمشارتتى بۇزۋىنا بايلانىستى اقش پەن اۆسترالياداعى ەلشىلەرىن كونسۋلتاتسياعا شاقىرتىپ العانىن حابارلادى, دەپ جازادى Egemen.kz.
اق ءۇيدىڭ ۇلتتىق قاۋىپسىزدىك كەڭەسىنىڭ وكىلى ەميلي حورن پاريج ءوز ەلشىسىن شاقىرىپ العاننان كەيىن دە فرانتسۋز بيلىگىمەن تىعىز بايلانىستا ەكەنىن جانە الداعى كۇندەردى كەلىسپەۋشىلىكتى شەشۋگە نيەتتى ەكەنىن ايتتى. بۇل تۋرالى ريا نوۆوستي جازدى. اۆستراليا بۇعان دەيىن قورعانىس جانە قاۋىپسىزدىك بويىنشا ۇلىبريتانيا جانە اقش-پەن ارىپتەستىك ورناتىپ, فرانتسۋزدىق Naval Group كومپانياسىمەن سۇڭگۋىر قايىقتار تۋرالى جاساعان كەلىسىمىن بۇزاتىنىن مالىمدەگەن.
«عاسىر كەلىسىم-شارتى» دەپ اتالاتىن 56 ميللياردتىق ەۋرو كەلىسىمى بويىنشا 12 شابۋىلعا ارنالعان سۇڭگۋىر قايىق شىعارىلۋى كەرەك بولاتىن.
لە دريان اۆستراليانىڭ شەشىمىن «ارقادان پىشاق سۇعۋ» دەپ اتادى. پاريج اۆستراليادان دا, اقش-تان دا تۇسىنىكتەمە كۇتەدى.