قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي نۇر-سۇلتان قالاسىنىڭ ءۇش اۋدانىندا جاستارعا قىزمەت كورسەتۋ ورتالىعى اشىلادى, دەپ حابارلايدى Egemen.kz.
ەلورداداعى العاشقى جاستارعا قىزمەت كورسەتۋ ورتالىعى سارىارقا اۋدانىندا ماۋسىم ايىندا ىسكە قوسىلدى. جۇمىس ىستەگەن ءۇش اي ىشىندە ورتالىققا 630-عا جۋىق جاستى قابىلداپ, ولاردى قولداۋعا باعىتتالعان مەملەكەتتىك باعدارلاما جانە باسقا دا وزەكتى ماسەلەلەر بويىنشا كونسۋلتاتسيا بەردى.
قازىرگى ۋاقىتتا سارىارقا اۋدانىنداعى جاستارعا قىزمەت كورسەتۋ ورتالىعى ونلاين جانە وفلاين فورماتتا بوس ۋاقىتتى ءتيىمدى ۇيىمداستىرۋ, باستامانى قولداۋ, جۇمىسسىز جاستاردى جۇمىسقا ورنالاستىرۋ, تۇرعىن ءۇي ماسەلەلەرىنە قاتىستى مەملەكەتتىك باعدارلامالاردى ءتۇسىندىرۋ جانە سۇيەمەلدەۋ, پسيحولوگيالىق جانە قۇقىقتىق كومەك كورسەتۋ, سپورتتى ناسيحاتتاۋ جانە 14-29 جاس ارالىعىنداعى جۇمىسشى جاستار, NEET ساناتىنداعى جاستار ءۇشىن ونىڭ قولجەتىمدىلىگى جانە ت. ب. بويىنشا ءىس-شارالار جۇرگىزىپ جاتىر.
ورتالىقتا, مىسالى, «وتباسى بانك» اق, «حالىقتى جۇمىسپەن قامتۋ ورتالىعى» كمم, «iKomek109» سياقتى ۇيىمداردىڭ قىزمەتىن الۋعا بولادى. جبو-عا جوبالاردى قولداۋ جانە بيزنەستى اشۋ بويىنشا كومەك سۇراعان جاستار ءۇشىن ولاردىڭ كاسىبي جانە جەكە داعدىلارىن دامىتۋ مەكتەبىنىڭ «Time to change» جوباسىنىڭ بازاسىندا ترەنينگ وتكىزىلەدى.
ءۇش ايدىڭ ىشىندە 6 500-دەن استام تىڭداۋشى, ونىڭ ىشىندە 860 – جاڭا باستاعان كاسىپكەر, 3 600 – جۇمىسسىز جاس, 1 850 – ستۋدەنت, 190 – حالىقتىڭ الەۋمەتتىك تۇرعىدان وسال توپتارى مەن مۇمكىندىگى شەكتەۋلى ادامدار وقىدى. ترەنەرلەر – تانىمال قوعامدىق پىكىر كوشباسشىلارى. سونداي-اق, جاستاردىڭ كوپشىلىگى جۇمىس ىزدەۋدە كومەك الۋ ءۇشىن حبو-عا جۇگىنەدى.
ونلاين جانە وفلاين جارمەڭكە وتكىزىلدى. سونىمەن قاتار, جاستارعا قىزمەت كورسەتۋ ورتالىعى ەلوردالىق حالىقتى جۇمىسپەن قامتۋ ورتالىعىنىڭ قىزمەتكەرلەرىمەن بىرلەسىپ «العاشقى جۇمىس ورنى», «الەۋمەتتىك جۇمىس ورىندارى», «قوعامدىق جۇمىستار», «جاستار پراكتيكاسى» باعدارلامالارى بويىنشا جۇمىس ىزدەۋشىلەردى جۇمىسقا ورنالاستىردى. سونداي-اق, «وتباسى بانك» كونسۋلتانتتارى «ەلوردا جاستارى» جرو قىزمەتكەرلەرىمەن بىرلەسىپ جاستارعا دەپوزيتتىك شوت اشۋ جانە «7-20-25», «باقىتتى وتباسى» جانە ت.ب. باعدارلامالار بويىنشا ءتۇسىندىرۋ جۇمىستارىن جۇرگىزەدى.
الماتى, ەسىل جانە بايقوڭىر اۋداندارىندا جاستارعا قىزمەت كورسەتۋ ورتالىقتارىن 2021 جىلدىڭ سوڭىنا دەيىن اشۋ جوسپارلانىپ وتىر.