ەۋروپالىق وداق بەلگىلى ءبىر جاعدايلاردا «تاليبانمەن» كەلىسسوز جۇرگىزۋگە دايىن. بۇل تۋرالى ەۋروپالىق ديپلوماتيانىڭ باسشىسى حوسەپ بوررەلل ەۋروپارلامەنتتە مالىمدەدى. ول اۋعانستانعا كومەك كورسەتۋ قاجەتتىگىن ايتتى, دەپ جازادى Egemen.kz.
«ازىق-ت ۇلىك باعاسى وسۋدە. قارجى جۇيەسى قۇلدىراۋدا. ەۋروپالىق كوميسسيا ءبىزدىڭ كومەگىمىزدى ءتورت ەسە - 50-دەن 200 ميلليون ەۋروعا دەيىن كوبەيتۋگە شەشىم قابىلدادى. بىراق بۇل ءتىپتى تەڭىزگە تامعان تامشى عانا. وقيعالارعا اسەر ەتۋ مۇمكىندىگىنە يە بولۋ ءۇشىن تاليبانمەن قارىم-قاتىناس جاساۋعا ءماجبۇرمىز. باسقا تاڭداۋ جوق. بۇل ولاردى مويىنداعانىمىزدى بىلدىرمەيدى, مۇلدە ولاي ەمەس. بۇل, مۇمكىندىگىنشە كەلىسسوز, تالقىلاۋ, كەلىسىم جۇرگىزۋ عانا», دەدى ول.
بۇعان دەيىن بۇۇ وكىلدەرى اۋعانستاندا ازىق-ت ۇلىك پەن باسقا دا قاجەتتى زاتتاردىڭ تاۋسىلىپ بارا جاتقانىن ايتقان بولاتىن. ولار حالىقارالىق قاۋىمداستىقتان اشارشىلىقتىڭ الدىن الۋ ءۇشىن ەلگە گۋمانيتارلىق كومەك جىبەرۋدى سۇرادى.