اقتاۋ قالاسىنداعى نازارباەۆ زياتكەرلىك مەكتەبىنىڭ 11-سىنىپ وقۋشىسى داۋرەن تۇركپەنباەۆ پەن گەوگرافيا ءپانىنىڭ مۇعالىمى ءبىرجان جۇماشەۆ, تاريح ءپانىنىڭ مۇعالىمى ارمات دۇيساليەۆ «تۋعان ەلگە تاعزىم» زەرتتەۋشىلىك ەكسپەديتسياسى اياسىندا ماڭعىستاۋدىڭ ۇمىتىلعان بۇلاق كوزدەرىن ىزدەۋگە ارنالعان شاعىن ەكسپەديتسياعا شىقتى.
جاياۋ ەكسپەديتسيا تۇپقاراعان مۇيىسىنەن باستالىپ, تامشالى سايىندا اياقتالادى دەپ جوسپارلانىپ وتىر. زەرتتەۋشىلەر 40 شاقىرىم جولدى ءۇش كۇندە ءجۇرىپ ءوتىپ, اۆتوكولىك جەتە المايتىن جەرلەردە ورنالاسقان, بۇل كۇندەرى ۇمىتىلىپ بارا جاتقان بۇلاقتارعا حيميالىق زەرتتەۋ جۇمىستارىن جۇرگىزبەك.
– ءبىزدىڭ قاتارىمىزعا تۇپقاراعان مۇيىسىنەن بيولوگيا ءپانىنىڭ مۇعالىمدەرى قوسىلادى. ولار انىقتالعان بۇلاقتار سۋىنىڭ قۇرامىن زەرتتەپ, ساراپتاما جۇرگىزەدى. وسىلايشا ءبىز ۇمىتىلعان بۇلاقتارمەن تانىسىپ قانا قويماي, ولاردىڭ قۇرامىن بىلە الامىز, دەيدى ساياحات جەتەكشىسى ءبىرجان جۇماشەۆ.
ەكسپەديتسيانىڭ باستى ماقساتى – زياتكەر وقۋشىلاردى تۋعان ولكە تابيعاتىن زەرتتەۋگە, ىزدەنۋگە باۋلۋ. ساپاردان سوڭ ناقتى زەرتتەۋ جۇمىسى جازىلىپ, مەكتەپىشىلىك, جەلىلىك كەزەڭدەردە قورعالادى.
– مەن وسىعان دەيىن دە بىرنەشە ەكسپەديتسياعا شىققان بولاتىنمىن. سوندىقتان ءۇش كۇندىك ساپار ماعان وتە قىزىقتى بولادى دەگەن ۇمىتتەمىن. ماڭعىستاۋ جەرىنىڭ بۇلاقتارىن زەرتتەۋ بۇيىرعانىنا قاتتى قۋانىپ تۇرمىن, – دەيدى ساپارعا اتتانعان داۋرەن تۇركپەنباەۆ. ەكسپەديتسيا جوسپارى بويىنشا جولاۋشىلار تۇپقاراعان اۋدانىنداعى بەس بۇلاقتى زەرتتەيدى.
ماڭعىستاۋ وبلىسى