اسقار مامين گەرمانيانىڭ بيزنەس وكىلدەرىمەن كەزدەستى

«قر پرەمەر-ءمينيسترى اسقار مامين گفر بيزنەسىنىڭ, سونداي-اق گەرمانيا ەكونوميكاسىنىڭ شىعىس كوميتەتىنىڭ وكىلدەرىمەن كەزدەسۋ وتكىزدى», دەپ حابارلايدى قازاقستان پرەمەر-ءمينيسترىنىڭ ءباسپاسوز قىزمەتى.

تاراپتار جاڭارتىلاتىن ەنەرگەتيكا, گاز وڭدەۋ, اوك, ماشينا جاساۋ, تاۋ-كەن مەتاللۋرگيا ونەركاسىبى سالالارىنداعى بىرلەسكەن جوبالاردى ىسكە اسىرۋدىڭ جاي-كۇيى مەن پەرسپەكتيۆالارىن تالقىلادى.

ۇكىمەت باسشىسى گەرمانيا قازاقستاننىڭ ءىرى ساۋدا سەرىكتەستەرى مەن نەگىزگى ينۆەستورلارىنىڭ ءبىرى ەكەنىن اتاپ ءوتتى. 2005 جىلدان باستاپ گفر-دىڭ قر ەكونوميكاسىنا تىكەلەي شەتەلدىك ينۆەستيتسيالار كولەمى شامامەن $5,1 ملرد قۇرادى.

«2021 جىلدىڭ ءبىرىنشى توقسانىندا بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 72%-عا ءوسىپ, $64,6 ملن-نان استى, 2021 جىلدىڭ ءبىرىنشى جارتىجىلدىعىندا قازاقستان مەن گەرمانيا اراسىنداعى تاۋار اينالىمىنىڭ كولەمى 26%-عا $1,2 ملرد-قا دەيىن ءوستى, قازاقستاندا نەمىس كاپيتالىنىڭ قاتىسۋىمەن ەنەرگەتيكا, اوك, ماشينا جاساۋ, قۇرىلىس جانە لوگيستيكا سالالارىندا 950-دەن استام كاسىپورىن جۇمىس ىستەيدى», دەدى قر پرەمەر-ءمينيسترى.

كەزدەسۋگە پرەمەر-ءمينيستردىڭ ورىنباسارى رومان سكليار, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, اۋىل شارۋاشىلىعى ءمينيسترى ەربول قاراشوكەەۆ, ەنەرگەتيكا ءمينيسترى ماعزۇم مىرزاعاليەۆ, ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ, «سامۇرىق – قازىنا» ۇاق» اق باسقارما توراعاسى الماسادام ساتقاليەۆ, قر گفر-داعى ەلشىسى داۋرەن كارىپوۆ جانە باسقالار قاتىستى.