جول-كولىك وقيعاسى لەرمونتوۆ كوشەسىندە بولعان, دەپ حابارلايدى Egemen.kz.
- 9 قىركۇيەك كۇنى ساعات 09.07-دە «اۋدي» ماركالى اۆتوكولىگىنىڭ جۇرگىزۋشىسى قاۋىپسىز قاشىقتىقتى تاڭداپ الماي, 7 اۆتوماشينامەن – «لادا», «نيسسان», «تويوتا», ەكى «حوندا» جانە «راۆون» سوقتىعىستى. «اۋدي» جۇرگىزۋشىسىنىڭ ايتۋىنشا, كولىك قوزعالىسى كەزىندە تەجەگىشتەر ىستەن شىعىپ, الدا كەلە جاتقان اۆتوكولىكتى سوقپاۋعا تىرىسقان, - دەپ حابارلادى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى.
اتالعان فاكتى بويىنشا «اۋدي» جۇرگىزۋشىسىنە قاتىستى قر اقبتك-ءنىڭ 610-بابى 1-بولىگىنە سايكەس اكىمشىلىك ءىس قوزعالدى.