قىتايدىڭ وڭتۇستىگىندەگى گۋانچجوۋ قالاسىندا 5000 ادامعا ارنالعان حالىقارالىق كارانتين ورتالىعى اشىلادى, دەپ جازادى Egemen.kz.
جەرگىلىكتى باق-تىڭ جازۋىنشا, گۋانچجوۋ حالىقارالىق كارانتين ورتالىعى قىركۇيەك ايىنىڭ سوڭىندا ىسكە قوسىلادى. قازىرگى ۋاقىتتا بارلىق عيماراتتىڭ قۇرىلىسى اياقتالعان, نىساننىڭ اۋماعىن اباتتاندىرۋ جۇمىستارى ءجۇرىپ جاتىر.
كەشەن 25 گەكتار اۋماقتا ورنالاسقان جانە ا, ۆ, س, د سىندى ءتورت بولىمگە بولىنگەن. مەديتسينالىق مەكەمەدە 5 مىڭ وقشاۋلانعان بولمە بار.
ايتا كەتەيىك, قىتايعا كەلەتىن بارلىق حالىقارالىق رەيستىڭ 80-90% گۋانچجوۋ ارقىلى وتەدى.