قازاقستان رەسپۋبليكاسى كولىك جۇيەسىنىڭ ينفراقۇرىلىمىن دامىتۋدىڭ جانە ىقپالداستىرۋدىڭ 2020 جىلعا دەيىنگى مەملەكەتتىك باعدارلاماسى جانە «مەملەكەتتىك باعدارلامالار تىزبەسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 19 ناۋرىزداعى №957 جارلىعىنا تولىقتىرۋ ەنگىزۋ تۋرالى
قازاقستان رەسپۋبليكاسى كولىك جۇيەسىنىڭ ينفراقۇرىلىمىن دامىتۋدىڭ جانە ىقپالداستىرۋدىڭ 2020 جىلعا دەيىنگى مەملەكەتتىك باعدارلاماسى جانە «مەملەكەتتىك باعدارلامالار تىزبەسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 19 ناۋرىزداعى №957 جارلىعىنا تولىقتىرۋ ەنگىزۋ تۋرالى
قازاقستاننىڭ قازىرگى زامانعى كولىك ينفراقۇرىلىمىن قالىپتاستىرۋ, سونداي-اق ونىڭ الەمدىك كولىك جۇيەسىنە ىقپالداسۋىن قامتاماسىز ەتۋ جانە ترانزيتتىك الەۋەتىن ىسكە اسىرۋ ماقساتىندا قاۋلى ەتەمىن:
1. قازاقستان رەسپۋبليكاسى كولىك جۇيەسىنىڭ ينفراقۇرىلىمىن دامىتۋدىڭ جانە ىقپالداستىرۋدىڭ 2020 جىلعا دەيىنگى مەملەكەتتىك باعدارلاماسى (بۇدان ءارى – باعدارلاما) بەكىتىلسىن.
2. قازاقستان رەسپۋبليكاسىنىڭ ۇكىمەتى:
1) ءبىر اي مەرزىمدە قازاقستان رەسپۋبليكاسى پرەزيدەنتىنىڭ اكىمشىلىگىمەن كەلىسىم بويىنشا باعدارلامانى ىسكە اسىرۋ جونىندەگى ءىس-شارالار جوسپارىن ازىرلەسىن جانە بەكىتسىن;
2) «قازاقستان رەسپۋبليكاسىنداعى مەملەكەتتىك جوسپارلاۋ جۇيەسىنىڭ ودان ءارى جۇمىس ىستەۋىنىڭ كەيبىر ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 4 ناۋرىزداعى №931 جارلىعىمەن ايقىندالاتىن مەرزىمدە جانە تارتىپپەن باعدارلامانىڭ ىسكە اسىرىلۋ مونيتورينگىنىڭ ناتيجەلەرىن قازاقستان رەسپۋبليكاسى پرەزيدەنتىنىڭ اكىمشىلىگىنە ۇسىنسىن.
3. ورتالىق جانە جەرگىلىكتى اتقارۋشى ورگاندار, سونداي-اق قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار باعدارلامانى ىسكە اسىرۋ جونىندە شارالار قابىلداسىن.
4. «مەملەكەتتىك باعدارلامالار تىزبەسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 19 ناۋرىزداعى №957 جارلىعىنا (قازاقستان رەسپۋبليكاسىنىڭ ءپۇاج-ى, 2010 ج., № 25-26, 185-قۇجات) مىناداي تولىقتىرۋ ەنگىزىلسىن:
جوعارىدا اتالعان جارلىقپەن بەكىتىلگەن مەملەكەتتىك باعدارلامالار تىزبەسى مىناداي مازمۇنداعى رەتتىك ءنومىرى 9-جولمەن تولىقتىرىلسىن:
«
9.
«قازاقستان رەسپۋبليكاسى كولىك جۇيەسىنىڭ ينفراقۇرىلىمىن دامىتۋدىڭ جانە ىقپالداستىرۋدىڭ 2020 جىلعا دەيىنگى مەملەكەتتىك باعدارلاماسى»
قازاقستان رەسپۋبليكاسى كولىك جانە كوممۋنيكاتسيا مينيسترلىگى
2013 جىلعى
1 قاراشاعا دەيىن
2014 – 2020 جىلدار
2013 جىلعى
1 جەلتوقسانعا دەيىن
».
5. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
6. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ن.نازارباەۆ.
استانا, اقوردا, 2014 جىلعى 13 قاڭتار. №725
-----------------------------------------------
قازاقستان رەسپۋبليكاسى كولىك جۇيەسىنىڭ ينفراقۇرىلىمىن دامىتۋدىڭ جانە ىقپالداستىرۋدىڭ 2020 جىلعا دەيىنگى مەملەكەتتىك باعدارلاماسىنا
تۇسىندىرمە
مەملەكەت باسشىسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىنداعى ءمىندەتتەردىڭ ءبىرى – كولىك جۇيەسىنىڭ ينفراقۇرىلىمدىق ورتالىقتارىن, وزىڭقى ينفراقۇرىلىمىن دامىتۋ باعدارلاماسىن جانە جاھاندىق ينفراقۇرىلىمدىق ينتەگراتسيا باعدارلاماسىن ازىرلەۋ بولاتىن.
وسىعان بايلانىستى قازاقستان رەسپۋبليكاسى پرەزيدەنتىنىڭ 2014 جىلعى 13 قاڭتارداعى №725 جارلىعىمەن قازاقستان رەسپۋبليكاسى كولىك جۇيەسىنىڭ ينفراقۇرىلىمىن دامىتۋدىڭ جانە ىقپالداستىرۋدىڭ 2020 جىلعا دەيىنگى مەملەكەتتىك باعدارلاماسى بەكىتىلدى.
مەملەكەتتىك باعدارلاما دۇنيەجۇزىلىك بانك ساراپشىلارىنىڭ قولداۋىمەن ازىرلەندى. مەملەكەتتىك باعدارلامانىڭ ستراتەگيالىق ماقساتى قازاقستاننىڭ زاماناۋي كولىك ينفراقۇرىلىمىن قالىپتاستىرۋ, سونداي-اق ونىڭ الەمدىك كولىك جۇيەسىنە ىقپالداسۋىن قامتاماسىز ەتىپ, ترانزيتتىك الەۋەتىن ىسكە اسىرۋ بولىپ تابىلادى.
باعدارلامانىڭ نەگىزگى مىندەتتەرى مىنالار:
قازاقستان اۋماعىندا ەل ىشىندە جوعارى جانە ءتيىمدى كولىك بايلانىسىن, قازاقستان رەسپۋبليكاسىنىڭ اۋماعى ارقىلى جۇك اعىندارىن ۇلعايتۋدى جانە جەرۇستى, تەڭىز جانە اۋە كولىگىنىڭ بارلىق تۇرلەرىنىڭ جۇمىسىن ۇيلەستىرۋدى قامتاماسىز ەتەتىن زاماناۋي كولىك-لوگيستيكا جۇيەسىن قۇرۋ;
وڭىرلەردە جەرگىلىكتى كولىك ينفراقۇرىلىمىن دامىتۋ;
قازاقستاننىڭ كولىك ينفراقۇرىلىمىنىڭ الەمدىك كولىك جۇيەسىنە ىقپالداسۋىن قامتاماسىز ەتۋ.
وسى باعدارلامانى ىسكە اسىرۋ 30 مىڭ كم اۆتوموبيل جولدارىن جانە 8,2 مىڭ كم تەمىرجول جەلىلەرىن رەكونسترۋكتسيالاۋ مەن جوندەۋگە مۇمكىندىك بەرەدى.
جولاۋشىلارعا ساپالى قىزمەت كورسەتۋدەگى قاجەتتىلىكتى وتەۋ ءۇشىن تەمىرجول ۆوكزالدارى, اۆتوۆوكزالدار جانە اۆتوستانتسيالار بەلگىلەنگەن ستاندارتتارعا سايكەستەندىرىلەدى. تۇرعىندارىنىڭ سانى 100 ادامنان اساتىن بارلىق ەلدى مەكەندەر تۇراقتى اۆتوبۋس مارشرۋتتارىمەن قامتىلاتىن بولادى.
بارلىق نەگىزگى اۋەجايلار حالىقارالىق يكاو تالاپتارىنا سايكەس كەلتىرىلەدى.
تەڭىز پورتتارىنىڭ قۋاتى 2020 جىلعا قاراي 20,5 ملن. تونناعا جەتىپ, 40%-عا ۇلعايادى.
اتالعان كورسەتكىشتەرگە قول جەتكىزۋ جۇك اينالىمىن 1,6 ەسەگە, جولاۋشىلار تاسىمالى اينالىمىن 1,5 ەسەگە, ال ترانزيت جۇكتەرىنىڭ كولەمىن 2 ەسەگە ارتتىرۋعا مۇمكىندىك بەرەدى. بۇل رەتتە قازاقستان LPI لوگيستيكالىق تيىمدىلىك يندەكسىندە 86-ورىننان 40-ورىنعا كوتەرىلەتىن بولادى.
قازاقستان رەسپۋبليكاسى پرەزيدەنتى اكىمشىلىگىنىڭ
الەۋمەتتىك-ەكونوميكالىق مونيتورينگ ءبولىمى.