بۇقتىرما سۋ قويماسىنىڭ جاعاسىندا سارىبەل اۋىلىنىڭ ماڭىندا بالىق رەسۋرستارىن زاڭسىز اۋلاۋ فاكتىسى انىقتالدى, دەپ حابارلايدى Egemen.kz Polisia.kz-كە سىلتەمە جاساپ.
ريپۋس تۇرىندەگى بالىقتى زاڭسىز وندىرۋمەن اينالىسقان 48 جانە 49 جاستاعى ەر ادامدار ۇستالدى. شىعىن 359 841 تەڭگەنى قۇرادى.
وقيعا ورنىنان ءتارتىپ ساقشىلارى سالماعى 102,8 كگ ريپۋس بالىعىن, ۆاز اۆتوكولىگىن, اۆتوكولىكتىڭ تىركەمەسىن, موتورلى قايىقتى, ۇزىندىعى 80 مەتر سينتەتيكالىق جەلىنى تاركىلەدى.
جىل باسىنان بەرى تابيعاتتى قورعاۋ پوليتسياسى بولىمشەلەرىمەن 1190 رەيدتىك ءىس-شارا وتكىزىلىپ, ناتيجەسىندە 1258 ەكولوگيالىق قۇقىقبۇزۋشىلىق انىقتالدى, ولار بويىنشا 40 سوتقا دەيىنگى تەرگەۋ باستالدى جانە 1218 قۇقىق بۇزۋشى اكىمشىلىك جاۋاپكەرشىلىككە تارتىلدى. 8052 كگ زاڭسىز اۋلانعان بالىق, سونداي-اق 318 قۇقىقبۇزۋشىلىق قۇرال تاركىلەندى.
بۇدان باسقا, زاڭسىز دايىندالعان 141,8 تەكشە مەتر اعاش تاركىلەندى. مەملەكەتكە كەلتىرىلگەن زالالدىڭ جالپى سوماسى شامامەن 20 ملن تەڭگەنى قۇرادى.
اتالعان فاكتى بويىنشا قر قك 335-بابى 3-بولىگى 4-تارماعى «بالىق رەسۋرستارىن, باسقا سۋ جانۋارلارىن نەمەسە وسىمدىكتەرىن زاڭسىز ءوندىرۋ» بويىنشا سوتقا دەيىنگى تەرگەۋ باستالدى.