قازاقستان قۇراماسىنىڭ باس باپكەرى تالعات بايسۋفينوۆ فينليانديامەن بولاتىن ماتچ الدىندا ءباسپاسوز ءماسليحاتىنا قاتىسىپ, جەرگىلىكتى تىلشىلەردىڭ سۇراقتارىنا جاۋاپ بەردى, دەپ حابارلايدى Egemen.kz.
«بۇگىنگى ويىنعا تەڭ ناتيجە ءۇشىن شىقساق, ۇتىلاتىنىمىز انىق. ال جەڭىسكە جەتەمىز دەگەن ماقسات قويساق, كەم دەگەندە تەڭ ويناۋعا بولادى. سوندىقتان ءبىز تەك جەڭىس ءۇشىن وينايمىز. ءبىز قورعانىستا جاتىپ, قارسىلاستىڭ قاتەلىگىن كۇتپەي-اق, ءوز ستيلىمىزبەن ويناۋعا تىرىسامىز», دەدى جۋرناليستەر سۇراعىنا جاۋاپ بەرگەن باس باپكەر.