مەملەكەت باسشىسى قاسىم-جومارت توقاەۆ ەلىمىزدەگى ازىق-ت ۇلىكتىڭ باعاسىنىڭ نەگىزسىز ءوسۋىن سىنعا الدى, دەپ حابارلايدى Egemen.kz.
«قازاقستاننىڭ اگرارلىق الەۋەتى تۋرالى كوپ ايتىلادى. دەگەنمەن اوك سالاسىندا ماسەلە از ەمەس. الدىمەن ول ءجونسىز باعانىڭ ءوسۋى مەن تاۋار ونەركاسىبى جۇمىسىن دۇرىس ۇلەستىرۋ. مەن بۇعان دەيىن ەلىمىزدە كوتەرمە ۇيلەستىرۋ جەلىسىن قۇرۋدىڭ ماڭىزدىلىعى تۋرالى ايتقان بولاتىنمىن. بۇل مىندەت جۇزەگە اسۋ دەڭگەيىندە تۇر. ۇساق اۋىل شارۋاشىلىق تاۋار ءوندىرۋدى سول جەلىمەن قامتاماسىز ەتۋ كەرەك. سول ارقىلى اۋىل شارۋاشىلىعى تاۋار وندىرۋشىلەردىڭ ءوز شارۋاشىلىعى بولادى. بۇل سالادا مونوپولياعا جول جوق», دەدى ق. توقاەۆ.
سونداي-اق مەملەكەت باسشىسى تاۋار وندىرۋشىلەر باعا تۇراقتىلىعىن ساقتاۋ ءۇشىن ولارعا ارنالعان بىرىڭعاي باقىلاۋدىڭ كەرەكتىگىن ايتتى.
«جاۋاپكەرشىلىكتى زوناسىن شەكتەپ, ءبىر عانا نەگىزگى ورگاندى بەلگىلەپ, ول ناقتى رەگلامەنتپەن بەكىتىلۋى ءتيىس. قازىر بۇل سۇراققا بىرنەشە ورگان جاۋاپتى. باعا وسكەن ساتتە ولار تالداۋ جاساپ, ءتيىستى شارالاردى قابىلداۋدىڭ ورنىنا ءبىر-بىرىنە سىلتەپ وتىرادى. باعانى رەتتەۋ ماسەلەسىن جونگە كەلتىرۋ كەرەك. بۇل رەتتە ۇكىمەت 1 ايدىڭ ىشىندە شەشىم قابىلداۋى ءتيىس», دەدى پرەزيدەنت.