اقش اسكەرى اۋعانستاندا بولعان 20 جىل ىشىندە 2 مىڭنان اسا قىزمەتكەردەن ايىرىلعان. بۇل تۋرالى اقش قارۋلى كۇشتەرى ورتالىق قولباسشىلىعىنىڭ (USCENTCOM) باسشىسى مالىمدەدى, دەپ حابارلايدى Egemen.kz.
«اسكەردىڭ شىعارىلۋىمەن اقش-تىڭ اۋعانستانداعى جيىرما جىلدىق ميسسياسى اياقتالادى. 20 جىل ىشىندە اقش اسكەري جانە ازاماتتىق كۇشتەرى اراسىندا 2461 ادام قازا تاۋىپ, 20 مىڭنان استام ادام جارالاندى», دەدى ول.
ءبىر كۇن بۇرىن كابۋل اۋەجايىنان سوڭعى امەريكالىق اسكەري ۇشاق كەتكەنى حابارلاندى. Al-Jazeera تەلەارناسىنا دەرەككوز بەرگەن مالىمەت بويلىنشا, اقش اسكەرلەرىنىڭ شىعارىلۋى اياقتالعاننان كەيىن كابۋل حالىقارالىق اۋەجايى «تاليبان» قوزعالىسىنىڭ تولىق باقىلاۋىنا وتتى (قازاقستاندا تىيىم سالىنعان راديكالدى ۇيىم).
بۇعان دەيىن «تاليبان» قوزعالىسى اقش كۇشتەرىن شىعارۋدىڭ سوڭعى كۇنى - 31 تامىز بولاتىنىن مالىمدەگەن.