وزبەكستاننىڭ سىرتقى ىستەر مينيسترلىگى "وزبەكستان تالىپتەردەن قاشقان اۋعان حالقىنا شەكاراسىن اشۋعا" دايىن دەگەن اقپاراتتى جوققا شىعاردى, دەپ حابارلايدى Egemen.kz Sputnik وزبەكستان تەلەگرام كانالىنا سىلتەمە جاساپ.
مينيسترلىك مالىمەتىنشە, قازىرگى ۋاقىتتا شەكارا جابىق جانە «تەرمەز» وتكىزۋ بەكەتى ارقىلى قۇرلىقتان ءوتۋ توقتاتىلدى, سونىمەن قاتار ەل اۋماعى ارقىلى ترانزيتپەن جۇرگەن اۋعانستان ازاماتتارى مەن شەتەلدىكتەردى ەۆاكۋاتسيالاۋ تەك اۋە جولىمەن جۇزەگە اسىرىلادى.
«شەكارادان وتۋگە جاسالعان كەز كەلگەن ارەكەت سەبەبىنە قاراماستان وزبەكستان رەسپۋبليكاسىنىڭ زاڭناماسىنا سايكەس جاۋاپقا تارتىلادى. سوڭعى 12 كۇن ىشىندە وزبەكستان بىرقاتار مەملەكەتكە ەۆاكۋاتسيا ءۇشىن گۋمانيتارلىق وپەراتسيالاردى جۇزەگە اسىرۋعا كومەكتەستى», دەلىنگەن حابارلامادا.
ۆەدومستۆو اۋعانستاننىڭ ىشكى ىستەرىنە ارالاسۋدى جانە ءوز اۋماعىندا اۋعان بوسقىندارىن قابىلداۋدى جوسپارلاماعانىن ايتتى. «سىرتقى ىستەر مينيسترلىگى وزبەكستان رەسپۋبليكاسى ءوز اۋماعىندا اۋعان بوسقىندارىن قابىلدامايتىنىن, ترانزيت كەزىندە جاردەم كورسەتەتىنىن تاعى دا مالىمدەيدى. وزبەك تاراپى اۋعانستانمەن ءداستۇرلى دوستىق جانە تاتۋ كورشى قارىم-قاتىناستارىن قولداۋعا جانە كورشى ەلدىڭ ىشكى ىستەرىنە ارالاسپاۋ قاعيداتتارىنا بەرىك ەكەنىن تاعى دا ايتامىز», دەدى وزبەك ءسىم وكىلى.اۋعانستانداعى جاعداي شيەلەنىسكەننەن كەيىن وزبەكستان بوسقىنداردى كورشى مەملەكەتتەن ەۆاكۋاتسيالاۋ تىزبەگىندە ايالداما رەتىندە ارەكەت ەتەدى. گەرمانيادان باسقا ەو ازاماتتارىن تاشكەنت ارقىلى, پولشا ۇكىمەتى ناۆوي اۋەجايى ارقىلى, ۆەنگريا ۇكىمەتى بۇحارا اۋەجايى ارقىلى ءوز ەلدەرىنە ەۆاكۋاتسيا جاسايدى.