انگليا بيلىگى «پلاستماسساعا قارسى سوعىس» جاريالادى. وسى جوبانىڭ اياسىندا ءبىر رەت قولدانىلاتىن پلاستيكالىق اس قۇرالدارىنا, ىدىستارعا تىيىم سالىنباق.
بيلىك وكىلدەرى بۇل قادام قوقىستى ازايتۋعا, مۇحيتتارداعى پلاستيكالىق قالدىقتاردىڭ مولشەرىن تومەندەتۋگە سەپتىگىن تيگىزەتىنىن ايتىپ وتىر. كۇزدە وسى باستاما بويىنشا تالقىلاۋ جۇرمەك. بىراق ۇكىمەت تىيىم سالۋ اياسى كەڭەيۋى مۇمكىن ەكەنىن دە جوققا شىعارمادى.
بىراق قورشاعان ورتانى قورعاۋ بەلسەندىلەرى مۇنى دا سىنعا الىپ وتىر. ولار تابيعاتتى ساقتاپ قالۋ ءۇشىن شۇعىل ءارى كەڭ كولەمدى شارالار قاجەت ەكەنىن العا تارتادى. انگليانىڭ مۇنداي قادامعا بارۋىنىڭ سەبەبى بار.
شوتلانديادا, ۋەلستە جانە سولتۇستىك يرلانديادا ءبىر رەت قولدانىلاتىن پلاستيكالىق اس قۇرالدارىنا تىيىم سالىنعان. ەۋروپالىق وداق شىلدەدە وسىنداي قادامعا باردى. وسىلايشا, انگليا دا سولاردىڭ ىزىمەن جۇرمەك.
ورتاشا ەسەپپەن انگليادا ءار ادام جىل سايىن ءبىر رەت قولدانىلاتىن پلاستيكالىق ىدىستى 18 مارتە جانە پلاستيكالىق اس قۇرالدارىن 37 مارتە پايدالانادى.
قورشاعان ورتانى قورعاۋ تۋرالى زاڭ ازىرگە پارلامەنتتە جاتىر.