توكيوداعى پاراليمپيادادا باق سىناپ جاتقان پارادزيۋدوشى ءانۋار ساريەۆ فينالعا شىقتى, دەپ حابارلايدى Egemen.kz.
اتىراۋ وبلىستىق سپورت جانە دەنە شىنىقتىرۋ باسقارماسى ءباسپاسوز قىزمەتىنىڭ مالىمەتىنشە, ەل نامىسىن قورعاپ جاتقان وتانداسىمىز 60 كەلى سالماقتا سىنعا ءتۇسىپ جاتىر.
«پارادزيۋدوشى ءانۋار ساريەۆ پاراليمپيادا ويىندارىنداعى ەكىنشى كەزدەسۋىن ءساتتى وتكىزىپ, فينالعا جولداما الدى. ول العاشقى كەزدەسۋىندە موڭعول سپورتشىسى سۇحەبااتار يادامدورجدى ۇتقان بولاتىن. جارتىلاي فينالدا جەرلەسىمىز ۆەنەسۋەلالىق بلانكو ماركوس دەنيستەن باسىم ءتۇستى», دەپ حابارلادى باسقارمانىڭ ءباسپاسوز قىزمەتى.
ەندى ءانۋار ساريەۆ فينالداعى قارسىلاسى ازەربايجاندىق ۆۋگار شيرينليمەن سىنعا تۇسەدى.