جامبىل وبلىسى, مەركى اۋدانىندا بۋىلعان 1700 تۇك ءشوپ ورتەنىپ كەتتى, دەپ حابارلايدى Egemen.kz.
مەركى اۋدانى, مەركى اۋىلى, نيزامي كوشەسى 41 «ا», جەكە تۇرعىن ءۇيدىڭ اۋلاسىندا ءشوپاران وتقا وراندى. ونداعى 1700 تۇك ءشوپ ورتەنىپ, جالىن 70 شارشى مەتر اۋماقتى شارپىعان. «اعىمداعى جىلدىڭ 24 تامىزىندا تاڭعى ساعات 4.07-دە مەركى اۋدانى, مەركى اۋىلىنىڭ 9 ءورت ءسوندىرۋ ءبولىمىنىڭ «101» نومىرىنە اۋىلدىڭ نيزامي كوشەسىندەگى تۇرعىن ءۇيدىڭ اۋماعىندا ءشوپ ورتەنگەنى تۋرالى حابارلاما كەلىپ ءتۇستى.
وقيعا ورنىنا ءبولىمنىڭ كۇشتەرى مەن قۇرالدارى جەدەل جونەلتىلدى. ءتىلسىز جاۋ شۇعىل ارەكەتتەردىڭ ناتيجەسىندە ساعات 4.30-دا وقشاۋلانىپ, ساعات 5.10-دا تولىق ءسوندىرىلدى», دەلىنگەن تجد حابارلاماسىندا.
ءورتتى سوندىرۋگە 7 قىزمەتكەر, 2 تەحنيكا جۇمىلدىرىلعان. جالپى, 37 توننا ءشوپ ورتەنىپ كەتكەن.