قىرعىزستاننىڭ بۇرىنعى پرەمەر-ءمينيسترى مۇحاممەدقالي ابىلعازيەۆ سوت شەشىمىمەن ۇيقاماققا بوساتىلدى, دەپ حابارلايدى Egemen.kz.
بۇل تۋرالى تاسس-قا ارنايى قىزمەتتىڭ وكىلى حابارلادى.
«ابىلعازيەۆكە قاتىستى سوت ونى ۇيقاماققا جىبەرۋ تۋرالى شەشىم شىعاردى», دەدى اگەنتتىكتىڭ دەرەك كوزى.
ونىڭ ايتۋىنشا, بۇرىنعى ۇكىمەت باسشىسى شامامەن 50 ميلليون سومدى (شامامەن 590 مىڭ دوللار) تولەۋ ارقىلى مەملەكەتكە كەلتىرىلگەن زالالدى ءىشىنارا وتەگەن.
ايتا كەتەلىك, ابىلعازيەۆ 2018-2020 جىلدار ارالىعىندا مينيسترلەر كابينەتىن باسقاردى.
2021 جىلدىڭ قاڭتارىندا ول Centerra Gold شەتەلدىك ينۆەستورلارى يگەرەتىن «قۇمتور» التىن كەنىشىندەگى سىبايلاس جەمقورلىققا قاتىستى تەرگەۋ اياسىندا ۇستالدى.