17-20 قىركۇيەك ارالىعىندا كوكشەتاۋدا ەل تاۋەلسىزدىگىنىڭ 30 جىلدىعىنا ارنالعان III ايماقتىق تەاتر فەستيۆالى وتەدى, دەپ حابارلايدى Egemen.kz اقمولا وبلىسى اكىمدىگىنىڭ ىشكى ساياسات باسقارماسىنا سىلتەمە جاساپ
شارا شاحمەت قۇسايىنوۆ اتىنداعى قازاق مۋزىكالىق-دراما تەاترىنىڭ 25 جىلدىعى جانە «كوكشەتاۋ - قازاقستاننىڭ مادەني استاناسى» ءىس-شارالار جوسپارىن جۇزەگە اسىرۋ اياسىندا ۇيىمداستىرىلادى.
مەرەكەگە قاراعاندى, قوستاناي, پاۆلودار جانە پەتروپاۆلداعى وبلىستىق قازاق تەاترلارى قاتىسادى.
«بيىل كوكشەتاۋ قازاقستاننىڭ مادەني استاناسى بولىپ جاريالاندى. جىل بويى مادەنيەت جانە ونەر ۇيىمدارى ەلىمىزدىڭ بارلىق وڭىرىنەن كوكشەتاۋعا كەلىپ, ءوز جەتىستىگىن ناسيحاتتايدى, ءتۇرلى كونكۋرسقا قاتىسادى, كورمە, كونتسەرت ۇيىمداستىرادى. بۇل ءۇردىستى جالعاستىرا وتىرىپ, قىركۇيەك ايىندا وبلىس ورتالىعىندا ايماقتىق تەاترلاردىڭ فەستيۆالى وتەدى, ول ءسوزسىز ونەردىڭ ناعىز مەرەكەسىنە اينالادى», دەپ اتاپ ءوتتى وبلىستىق ۆەدومستۆونىڭ باسشىسى ايگۇل ءسابيتوۆا.
تەاتر فەستيۆالى وبلىستىق قازاق مۋزىكالىق دراما تەاترىندا وتەدى.