رەسەي پرەمەر-ءمينيسترى ميحايل ميشۋستين نۇر-سۇلتانعا ۇشىپ كەلەدى, دەپ حابارلايدى Egemen.kz.
رەسەي مينيسترلەر كابينەتىنىڭ ءباسپاسوز قىزمەتى مالىمەتىنشە, ميشۋستين قازاقستان استاناسىندا جۇمىس ساپارىمەن 18-19 تامىز ارالىعىندا بولادى.
«ميحايل ميشۋستين قازاقستان پرەمەر-ءمينيسترى اسقار مامينمەن كەلىسسوزدەر جۇرگىزەدى. سونىمەن قاتار رەسەي پرەمەر-ءمينيسترى قازاقستان پرەزيدەنتى قاسىم-جومارت توقاەۆپەن جانە تۇڭعىش پرەزيدەنت, ۇلت كوشباسشىسى نۇرسۇلتان نازارباەۆپەن كەزدەسەدى», دەلىنگەن رەسمي حابارلامادا.
تاراپتار ونەركاسىپ, ەنەرگەتيكا, كولىك, مادەني-گۋمانيتارلىق سالالارداعى رەسەي-قازاقستان ىنتىماقتاستىعىن دامىتۋدى تالقىلايتىنى ايتىلدى. ەۋرازيالىق ەكونوميكالىق وداق اياسىنداعى ىنتىماقتاستىقتى كەڭەيتۋگە جانە كوروناۆيرۋس ينفەكتسياسىنا قارسى بىرلەسكەن شارالارعا ەرەكشە نازار اۋدارىلادى.