اقش ارنايى قىزمەتىنىڭ وكىلەتتىلىگىنە شەكتەۋلەر قويىلدى

اقش پرەزيدەنتى باراك وباما ارنايى قىزمەت وكىلەتتىلىگىن قايتا قاراستىرىپ, وعان كەيبىر شەكتەۋلەر قويۋدى ۇيعاردى. بۇل تۋرالى 24.kz حابارلادى.

اقش-تىڭ ادىلەت مينيسترلىگى الدىندا ونداعان ادام ۇلتتىق قاۋىپسىزدىك اگەنتتىگىنىڭ تىڭشىلىق ارەكەتتەرىنە شەك قويۋدى تالاپ ەتىپ, نارازىلىق اكتسياسىن ۇيىمداستىرعان بولاتىن. ازاماتتاردىڭ جوعالعان سەنىمىن قايتارۋ ماقساتىندا مەملەكەت باسشىسى بۇل ماسەلە بويىنشا ءبىراز تۇزەتۋ ەنگىزۋدى ءجون كورگەن سەكىلدى. وسى ورايدا, باراك وباما ۇلتتىق قاىپسىزدىك اگەنتتىگى رەفورماسىنىڭ نەگىزگى ەرەجەلەرىن جاريا ەتتى. اتاپ ايتقاندا, پرەزيدەنت اقش-پەن دوستىق قارىم-قاتىناستاعى مەملەكەت باسشىلارىن باقىلاۋعا تىيىم سالىپ وتىر. سونداي-اق قۇجاتتاعى نەگىزگى وزگەرىستەردىڭ ءبىرى تەلەفون تىڭشىلىعىنا قاتىستى بولدى. ماسەلەن, ارنايى قىزمەت وكىلدەرى قاراپايىم ازاماتتاردىڭ تەلەفونىن تىڭداماس بۇرىن ەندى سوت جارلىعىن الىپ وتىراتىن بولدى. دەگەنمەن, كوپشىلىكتىڭ ويىنشا, بۇل تەك ءسوز جۇزىندە عانا ىسكە اسپاق. ولار ارنايى قىزمەتتىڭ تىڭشىلىق ارەكەتى جۋىق ارادا تىيىلمايدى دەپ ۇرەيلەنۋدە.

«بارلاۋ قىزمەتى وزگە ەلدەر بيلىگىنىڭ ماقسات-نيەتتەرى جايلى اقپارات جيناپ وتىرۋىن جالعاستىرادى. بىراق, بىزبەن تىعىز قىزمەت ەتەتىن مەملەكەتتەردىڭ بيلىگى مەن باسشىلارى ول ءۇشىن الاڭداماسا بولادى. اقش ولارعا سەرىكتەس رەتىندە قاراپ, سەنىم بىلدىرەدى», – دەيدى باراك وباما.

ايدار ورىسباەۆ.

دەرەككوز: 24.kz

فوتو: Mk.ru