قازاقستاندىق تەننيسشى زارينا دياس اۆستراليا اشىق چەمپيوناتىندا تاعى دا جەڭىسكە جەتىپ, كەلەسى كەزەڭگە شىقتى.
ەكىنشى كەزەڭدە ول الەمنىڭ 150-راكەتكاسى, جاڭازەلانديالىق تەننيسشى مارينا ەراكوۆيچپەن كەزدەسىپ, قارسىلاسىن 6:4, 6:0 ەسەبىمەن ۇتتى. ەندى كەلەسى ويىنىن زارينا رۋمىن سيمونا حالەپپەن وتكىزەدى.
ال قازاقستاندىق تاعى ءبىر تەننيسشى گالينا ۆوسكوبوەۆا ەكىنشى كەزەڭنەن وتە المادى. ول الەمنىڭ 16-راكەتكاسى, يسپان كارلا سۋارەس-ناۆاررودان 6:7, 6:3, 6:8 ەسەبىمەن جەڭىلىپ قالدى. بۇعان دەيىن جارىستان ياروسلاۆا شۆەدوۆا مەن يۋليا پۋتينتسەۆا شىعىپ قالعان ەدى. سودان كەيىن ولاردىڭ جولىن ەرلەر اراسىنان ميحايل كۋكۋشكين, اندرەي گولۋبەۆ پەن الەكساندر نەدوۆەسوۆ تە قايتالادى. ولاردىڭ ءبارى العاشقى كەزەڭنەن ءارى اسا المادى.
قازاقستاندىق تەننيسشى زارينا دياس اۆستراليا اشىق چەمپيوناتىندا تاعى دا جەڭىسكە جەتىپ, كەلەسى كەزەڭگە شىقتى.
ەكىنشى كەزەڭدە ول الەمنىڭ 150-راكەتكاسى, جاڭازەلانديالىق تەننيسشى مارينا ەراكوۆيچپەن كەزدەسىپ, قارسىلاسىن 6:4, 6:0 ەسەبىمەن ۇتتى. ەندى كەلەسى ويىنىن زارينا رۋمىن سيمونا حالەپپەن وتكىزەدى.
ال قازاقستاندىق تاعى ءبىر تەننيسشى گالينا ۆوسكوبوەۆا ەكىنشى كەزەڭنەن وتە المادى. ول الەمنىڭ 16-راكەتكاسى, يسپان كارلا سۋارەس-ناۆاررودان 6:7, 6:3, 6:8 ەسەبىمەن جەڭىلىپ قالدى. بۇعان دەيىن جارىستان ياروسلاۆا شۆەدوۆا مەن يۋليا پۋتينتسەۆا شىعىپ قالعان ەدى. سودان كەيىن ولاردىڭ جولىن ەرلەر اراسىنان ميحايل كۋكۋشكين, اندرەي گولۋبەۆ پەن الەكساندر نەدوۆەسوۆ تە قايتالادى. ولاردىڭ ءبارى العاشقى كەزەڭنەن ءارى اسا المادى.
«بارىستىڭ» بابى جامان ەمەس
قۇرلىقتىق حوككەي ليگاسىنىڭ «شىعىس» كونفەرەنتسياسىندا استانانىڭ «بارىس» كومانداسى مەرزىمىنەن بۇرىن پلەي-وفف كەزەڭىنە شىقتى.
پلەي-وفف كەزەڭىنە «باتىس» جانە «شىعىس» كونفەرەنتسياسىندا العاشقى سەگىز ورىندى العان كوماندالار عانا شىعا الادى. استانالىقتار 9-ورىندا تۇرعان ۆلاديۆوستوكتىڭ «ادميرال» كومانداسى چەحيانىڭ «لەۆ» كلۋبىنان ۇتىلعاننان كەيىن, ۋاقىتىنان بۇرىن پلەي-وفف كەزەڭىنە جولداما الدى. ويتكەنى, قالعان ويىندارىندا قانداي جاعداي بولماسىن «بارىس» سەگىزدىكتىڭ قاتارىندا قالا بەرەدى. قازىر «شىعىس» كونفەرەنتسياسىندا ەكىنشى ورىندا كەلە جاتقان «بارىستا» 45 ويىننان كەيىن 88 ۇپاي بار.
بەسىنشى ورىننان كورىندى
اقش-تىڭ لەيك پلەسيد قالاسىندا فريستايلدان وتكەن الەم كۋبوگىنىڭ كەزەڭىندە موگۋل جارىسى بويىنشا سىنعا تۇسكەن قازاقستاندىق سپورتشى يۋليا گالىشەۆا بەسىنشى ورىندى يەلەندى.
الەم كۋبوگى كەزەڭىنىڭ جالپى ەسەبىندە گالىشەۆا 180 ۇپايمەن التىنشى ورىنعا شىقسا, تاعى ءبىر قازاقستاندىق سپورتشى داريا رىبالوۆا 40 ۇپايمەن 25-ورىندا تۇر.
ەستەرىڭىزگە سالا كەتسەك, يۋليا گالىشەۆا سوچي وليمپياداسىنا العاشقىلاردىڭ ءبىرى بولىپ ليتسەنزيا العان سپورتشىمىز.
جەڭىمپازدار انىقتالدى
جاقىندا استانادا تەننيستەن وتكەن قازاقستاننىڭ قىسقى چەمپيوناتى اياقتالدى.
بۇل سىندا ەرلەر اراسىندا دەنيس ەۆسەەۆ چەمپيون اتانسا, ايەلدەر اراسىندا باس جۇلدەنى ەكاتەرينا كليۋەۆا جەڭىپ الدى. د.ەۆسەەۆ فينالدا تيمۋر حابيبۋللينمەن كەزدەسىپ, ونى 6:1 جانە 6:3 ەسەبىمەن ۇتتى. فينالعا دەيىن ول يليا پاۆلەنكو, قاسىمبەك اقجارقىنوۆتى جەڭسە, شيرەك فينالدا ساعادات اياپتى, جارتىلاي فينالدا قايسار بەكىموۆتى ۇتتى. ال ە.كليۋەۆا بولسا, ەكى ساعاتقا سوزىلعان فينالدىق ايقاستا الەكساندرا گرينچيشينادان 5:7, 6:1, 6:3 ەسەبىمەن باسىم ءتۇستى. ول دا فينالعا دەيىن بىرنەشە قارسىلاسىنان جاقسى ونەر كورسەتتى. مىسالى, چەمپيوناتتىڭ العاشقى كۇنى عايني ىبىراشەۆادان, ەكىنشى كۇنى دينا جاميەۆادان, شيرەك فينالدا جىبەك قۇلامباەۆادان, ال جارتىلاي فينالدا اناستاسيا ەپيشەۆادان ايلاسىن اسىردى.
ەرلەر اراسىندا جۇپتىق كەزدەسۋدە تيمۋر حابيبۋللين مەن دميتري پوپكو چەمپيون اتاندى. ولار فينالدا الەكسەي كەدريۋك پەن دەنيس ەۆسەەۆتى 6:2, 3:6, 11:9 ەسەبىمەن تىزە بۇكتىردى. ايەلدەر اراسىنداعى جۇپتىق سايىستا ەكاتەرينا كليۋەۆا مەن الەكساندرا گرينچيشينا باس جۇلدەنى يەلەندى. بۇل جۇپ سوڭعى كەزدەسۋدە اناستاسيا ەپيشەۆا مەن ەكاتەرينا گۋبانوۆانى 7:5, 5:0 ەسەبىمەن جەڭدى. سوڭعى رەت قارسىلاستارىنىڭ كورتقا شىقپاۋىنا بايلانىستى وينالمادى.
داستان كەنجالين,
«ەگەمەن قازاقستان».