بۇگىن, 12 تامىزدا UEFA ەۋروپا ليگاسى ءۇشىنشى ىرىكتەۋ ساتىسىندا الماتىلىق «قايرات» سىرت الاڭدا ارمەنيانىڭ «الاشكەرت» كومانداسىمەن كەزدەستى, دەپ حابارلايدى Egemen.kz Sports.kz-كە سىلتەمە جاساپ.
ەكى كوماندا اراسىنداعى العاشقى كەزدەسۋ 0:0 ەسەبىمەن اياقتالعان بولاتىن.
بۇگىنگى ويىننىڭ ءبىرىنشى كەزەڭىندە ەكى كوماندا ءبىر-بىردەن گول سوقتى. الدىمەن «الاشكەرت» ويىنشىسى جوزە ەمبالو 43-مينۋتتا ەسەپ اشسا, وعان قازاقستاندىق ايبول ابىكەن 45-مينۋتتا ءبىر گولمەن جاۋاپ قايىردى.
ەكىنشى كەزەڭدە جوزە ەمبالو 50-مينۋتتا تاعى ءبىر گولدىڭ اۆتورى اتاندى. ال 61-مينۋتتا «قايراتتىڭ» شابۋىلشىسى ارتۋر شۋشەناچەۆ تارازى باسىن تەڭەستىرە الدى.
ويىن وۆەرتايمعا ۇلاستى. وۆەرتايمنىڭ 103-مينۋتىندا ارمەنيالىق كلۋبتان الەكساندار گليشيچ كومانداسىن العا شىعاردى. وسىلايشا «قايرات» قارسىلاسىنا 2:3 ەسەبىمەن جول بەردى.
ەندى قازاقستاندىق كلۋب كونفەرەنتسيا ليگاسى پلەي-وفف ساتىسىندا سىنعا تۇسەتىن بولادى.