اباي كۇنىنە وراي قازاقستاننىڭ بەلگياداعى ەلشىلىگى بەلگياداعى ەڭ ءىرى كورولدىك كىتاپحانانىڭ قورىنا قازاقتىڭ ۇلى اقىنى اباي قۇنانباي ۇلىنىڭ فرانتسۋز تىلىندەگى «قارا سوزدەر» جيناعىن تاپسىردى, دەپ حابارلايدى Egemen.kz قر سىرتقى ىستەر مينيسترلىگىنە سىلتەمە جاساپ.
ءىس-شارا بارىسىندا بەلگيا تاراپىنا قازاق جازبا ادەبيەتىنىڭ نەگىزىن قالاۋشى ابايدىڭ ءومىرى مەن ونىڭ قۇندىلىقتارى تۋرالى اقپارات بەرىلدى. ابايدىڭ قۇندىلىقتارى ايگىلى بەلگيالىق اقىن گيدو گەزەللدىڭ قۇندىلىقتارىنا ۇقساس.
فرانتسۋز تىلىندە جارىق كورگەن «قارا سوزدەر» جيناعى بريۋسسەلدەگى مۋنيتسيپالدىق كىتاپحانالار مەن مەكتەپتەرگە سىيعا تارتىلدى.
ايتا كەتسەك, بەلگيا كورولدىك كىتاپحاناسى 1837 جىلى قۇرىلعان. بۇگىنگى تاڭدا كورولدىك كىتاپحاناسى ەلدەگى ەڭ ۇلكەن كىتاپحانا بولىپ سانالادى. كىتاپحانانىڭ 17-قاباتتىق قورىندا 6 ميلليوننان استام كىتاپ بار.