رۋدنىي پوليتسەيلەرى كوشەگە پاترۋل جۇرگىزۋ كەزىندە ايالدامادا ەس-ءتۇسسىز جاتقان جۇكتى كەلىنشەكتى بايقاعان. ماقسۇت دوسىباەۆ پەن ولجاس باتىرحانوۆ جۇكتىلىكتىڭ سوڭعى ايىنداعى كەلىنشەككە ىلە-شالا كومەك كورسەتىپ, بىردەن جەدەل جاردەم شاقىرعان, دەپ جازادى Egemen.kz Tengrinews.kz مالىمەتىنە سىلتەمە جاساپ.
«جەدەل جاردەم شاقىرعانىمىزبەن, ولاردى كۇتە المايتىنىمىزدى بىلدىك. سەبەبى, بۇل وقيعادا ءبىر ەمەس ەكى ادامنىڭ ومىرىنە قاۋىپ ءتونىپ تۇردى. سوندىقتان كەلىنشەكتى پەرزەنتحاناعا ءوزىمىز تەز ارادا جەتكىزەمىز دەپ ۇيعاردىق. جول بويى كەزەكشى بولىممەن بايلانىسقا شىقتىق. جەدەل ناۋقاستىڭ اۋرۋحاناعا جەتكىزىلەتىنى تۋرالى حابارلاما جىبەرىلدى», دەيدى پوليتسيا كاپيتانى ماقسۇت دوسىباەۆ.
36 جاستاعى كەلىنشەك جۇكتىلىكتىڭ جەتىنشى ايىندا بولعان. دارىگەرلەردىڭ ايتۋىنشا, ينديرا اميرەەۆانىڭ دەنساۋلىعىنا اۋا-رايىنىڭ ىستىق بولۋى قولايسىز اسەر ەتىپ ەسىنەن تانىپ قالعان. جەدەل ارەكەت ەتىپ, دەرەۋ مەديتسينالىق مەكەمەگە جەتكىزگەن پوليتسەيلەردىڭ ارقاسىندا قاۋىپ ارتتا قالعان.