4-11 قىركۇي̆ەك ارالىعىندا رەسەي̆ فەدەراتسياسى, تاتارستان رەسپۋبليكاسىنىڭ استاناسى قازان قالاسىندا ءبىرىنشى تمد ەلدەرىنىڭ وي̆ىندارى وتەدى. بۇل تۋرالى قر مادەنيەت جانە سپورت مينيسترلىگى حابارلادى, دەپ جازادى Egemen.kz.
باسەكەگە 10 مەملەكەتتەن 2 مىڭنان استام دەلەگات كەلەدى. قاتىساتىن مەملەكەتتەر: قازاقستان, ءازىرباي̆جان, ارمەنيا, بەلارۋس, مولدوۆا, قىرعىز رەسپۋبليكاسى, تاجىكستان, وزبەكستان, ۋكراينا, رەسەي̆ فەدەراتسياسى. سونىمەن قاتار 1 200 ۆولونتەر مەن 460 تورەشى قاتىسادى. 16 سپورت تۇرىنەن 184 جۇلدە جيىنتىعى ساراپقا سالىنادى.
سپورتشىلار بادمينتون, 3ح3 باسكەتبول, بوكس, ۇستەل تەننيسى, بەلبەۋ كۇرەسى, دزيۋدو, كۋراش, سامبو, ەركىن جانە گرەك-ريم كۇرەسى, كاراتە, تاي بوكسى, نىسانا كوزدەۋ, ستەند اتۋ, بي سپورتى, فۋتزال, كوركەم گيمناستيكا سەكىلدى سپورت تۇرلەرىنەن باق سىنايدى.
تمد ەلدەرىنىڭ سايىسىن بوكسشىلار 2 قىركۇيەكتە باستايدى. 10 ەلدىڭ 159 بىلعارى قولعاپ شەبەرى 26 جۇلدەنى ءوزارا بولىسەدى.
سونىمەن قوسا كاراتە, سامبو مەن نىسانا كوزدەۋدەن 10 مەملەكەتتىڭ اتلەتى جارىس جولىنا شىعادى.
ايتا كەتەيىك, بۇل دودا بىلتىر تامىزدا وتۋگە ءتيىس بولعان. الايدا كوروناۆيرۋس پاندەمياسىنا بايلانىستى ءبىر جىلعا كەيىنگە شەگەرىلدى.