7 تامىز كۇنى قازاقستاننىڭ چەحياداعى ەلشىلىگىنىڭ, «قازاقستاننىڭ دوستار كلۋبىنىڭ» ارەكەتتەسۋىمەن ۆلتاۆانىڭ بويىنداعى «پراگا» كەمەسىندە قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان سەرۋەن ۇيىمداستىرىلدى, دەپ حابارلايدى Egemen.kz.
شاقىرىلعان قوناقتاردىڭ اراسىندا ارىستەر, چەح رەسپۋبليكاسىنىڭ باق وكىلدەرى جانە قازاق ستۋدەنتتەرى قاتىستى.
قازاقستاندىق ديپلوماتتار ءوز سوزدەرىندە قوناقتارعا ەلىمىزدىڭ تاۋەلسىزدىك جىلدارىنداعى ساياسي جانە الەۋمەتتىك-ەكونوميكالىق دامۋىنىڭ نەگىزگى جەتىستىكتەرى تۋرالى, سونداي-اق ازاماتتاردىڭ مەملەكەتكە دەگەن سەنىمىن ارتتىرۋعا باعىتتالعان رەفورمالار تۋرالى ەگجەي-تەگجەيلى ايتىپ بەردى.
كەمەنىڭ ارنايى مەرەكەلىك بەزەندىرىلگەن پالۋباسىندا قوناقتاردى ۇلتتىق كيىم كيگەن قازاقستاندىق ستۋدەنتتەر قارسى الدى.
ءىس-شارانى ۇيىمداستىرۋشىلار قازاقستاننىڭ تاۋەلسىزدىك جىلدارىنداعى جەتىستىكتەرىنە ارنالعان ءتۇرلى-ءتۇستى بەزەندىرىلگەن ەكسپوزيتسيالاردى جانە سونىمەن بايلانىستى شاعىن كورمەنى ۇسىندى.
ەلىمىزدىڭ ستۋدەنتتەرى ۇلتتىق اۋەندەردى دومبىرادا ورىنداپ, مۋزىكالىق كونتسەرت قويىپ بەردى.