قازاقستاندىق بالۋان داۋلەت نيازبەكوۆ توكيو وليمپياداسىنىڭ جارتىلاي فينالىنا شىعا المادى, دەپ حابارلايدى Egemen.kz.
ەركىن كۇرەستەن 65 كەلىگە دەيىنگى سالماقتا نيازبەكوۆ شيرەك فينالدا الەمنىڭ ءۇش دۇركىن چەمپيونى, ريو وليمپياداسىنىڭ قولا جۇلدەگەرى ازەربايجاندىق حادجي اليەۆپەن كەزدەسىپ, 1:9 ەسەبىمەن جەڭىلىپ قالدى.
بۇعان دەيىن قازاقستاندىق بالۋان 1/8 فينالدا كۋبالىق ەنريكە ۆالدەستى سەنىمدى جەڭگەن بولاتىن.32 جاستاعى تاجىريبەلى داۋلەت نيازبەكوۆ - قىزىلوردا وبلىسىنىڭ تۋماسى. ءۇش دۇركىن ازيا چەمپيونى. ال 2011 جانە 2019 جىلدارى الەم چەمپيوناتىندا قولا مەدال ەنشىلەگەن.