قازاقستاندىق بالۋان ۆالەنتينا يسلاموۆا توكيو وليمپياداسىنىڭ ايەلدەر كۇرەسى جارىسىندا شيرەك فينالعا شىعا المادى, دەپ حابارلايدى Egemen.kz.
50 كەلىگە دەيىنگى سالماقتا ونەر كورسەتەتىن يسلاموۆا 1/8 فينالدا ەكۆادورلىق ليۋسيا ەپەس گۋزمانمەن كەزدەسىپ, 6:9 ەسەبىمەن جەڭىلىپ قالدى.
29 جاستاعى ۆالەنتينا يسلاموۆا رەسەيدىڭ ءنوۆوسىبىر وبلىسىندا تۋعان. كەيىن قازاقستان ازاماتتىعىن الدى. 2019 جىلى الەم چەمپيوناتىندا قولا مەدال يەلەنگەن.