بۇل تۋرالى اتىراۋ قالالىق اكىمدىگىنىڭ ءباسپاسوز قىزمەتىنەن ءمالىم ەتتى, دەپ حابارلايدى Egemen.kz.
بۇگىننەن باستاپ مۇنايلى شاھار تۇرعىندارى مەن قوناقتارى قوعامدىق كولىكتەرگە Ashyq قوسىمشاسى ارقىلى وتىرادى.
«تۇرعىنداردىڭ قاۋىپسىزدىگى ءۇشىن اۆتوبۋستارعا «قىزىل» جانە «سارى» مارتەبەسى بار ادامدار كىرگىزىلمەيدى. بىراق, ءموبيلدى سمارتفونى جوق, سونداي-اق اتالعان قوسىمشا جۇكتەلمەگەن جولاۋشىلاردىڭ قوعامدىق كولىككە وتىرۋىنا رۇقسات بەرىلەدى. ال, Ashyq جوباسى تۇرعىندار اراسىندا كوروناۆيرۋس ينفەكتسياسىنىڭ تارالۋ تاۋەكەلىن انىقتايتىن قوسىمشا شارا رەتىندە ەنگىزىلىپ وتىر. ويتكەنى, قوعامدىق كولىكتەر – ادامداردىڭ كوپ شوعىرلاناتىن ورىننىڭ ءبىرى», دەپ حابارلادى اكىمدىكتىڭ ءباسپاسوز قىزمەتى.