«ا» كورپۋسىنىڭ مەملەكەتتىك اكىمشىلىك قىزمەتشىلەرىنە روتاتسيا جۇرگىزۋ قاعيدالارىن بەكىتۋ جانە قازاقستان رەسپۋبليكاسى پرەزيدەنتىنىڭ كەيبىر جارلىقتارىنا تولىقتىرۋلار ەنگىزۋ تۋرالى
«مەملەكەتتiك قىزمەت تۋرالى» 1999 جىلعى 23 شiلدەدەگi قازاقستان رەسپۋبليكاسى زاڭىنىڭ 18-1-بابىنا سايكەس قاۋلى ەتەمىن:
1. قوسا بەرىلىپ وتىرعان «ا» كورپۋسى مەملەكەتتىك اكىمشىلىك قىزمەتشىلەرىنە روتاتسيا جۇرگىزۋ قاعيدالارى بەكىتىلسىن.
2. قازاقستان رەسپۋبليكاسى پرەزيدەنتىنىڭ مىناداي جارلىقتارىنا تولىقتىرۋلار ەنگىزىلسىن:
1) «مەملەكەتتىك قىزمەت وتكەرۋ ءتارتىبى تۋرالى ەرەجەنى بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2000 جىلعى 10 ناۋرىزداعى №357 جارلىعىنا (قازاقستان رەسپۋبليكاسىنىڭ ءپۇاج-ى, 2000 ج., №15, 141-قۇجات):
جوعارىدا اتالعان جارلىقپەن بەكىتىلگەن مەملەكەتتىك قىزمەت وتكەرۋ ءتارتىبى تۋرالى ەرەجە:
مىناداي مازمۇنداعى 43-1-تارماقپەن تولىقتىرىلسىن:
«43-1. تەستىلەۋ رەسىمدەرىن تەحنيكالىق قامتاماسىز ەتۋدى, مەملەكەتتىك قىزمەت پەرسونالى جونىندەگى اۆتوماتتاندىرىلعان دەرەكتەر بازاسىن سۇيەمەلدەۋ مەن اكىمشىلەندىرۋدى, مەملەكەتتىك قىزمەتشىلەردىڭ دەربەس دەرەكتەرىن جيناۋدى, وڭدەۋ مەن قورعاۋدى قازاقستان رەسپۋبليكاسىنىڭ ۇكىمەتى ايقىندايتىن, داۋىس بەرەتىن اكتسيالارىنىڭ (جارعىلىق كاپيتالداعى قاتىسۋ ۇلەستەرىنىڭ) ءجۇز پايىزى مەملەكەتكە تيەسىلى زاڭدى تۇلعا جۇزەگە اسىرادى.»;
2) «مەملەكەتتiك بيلiك ورگاندارى جۇيەسىندەگى كادر ساياساتىنىڭ كەيبiر ماسەلەلەرi تۋرالى» قازاقستان رەسپۋبليكاسى پرەزيدەنتىنىڭ 2002 جىلعى 29 ناۋرىزداعى № 828 جارلىعىنا (قازاقستان رەسپۋبليكاسىنىڭ ءپۇاج-ى, 2004 ج., №17, 212-قۇجات):
جوعارىدا اتالعان جارلىقپەن بەكىتىلگەن قازاقستان رەسپۋبليكاسىنىڭ مەملەكەتتىك ساياسي قىزمەتشىلەرىن جانە وزگە دە لاۋازىمدى تۇلعالارىن كەلىسۋ, قىزمەتكە تاعايىنداۋ جانە قىزمەتتەن بوساتۋ ءتارتىبى تۋرالى ەرەجە:
مىناداي مازمۇنداعى 4-1-تارماقپەن تولىقتىرىلسىن:
«4-1. «ا» كورپۋسىنىڭ مەملەكەتتىك اكىمشىلىك قىزمەتىنە جاتاتىن لاۋازىمدارعا تاعايىنداۋ قازاقستان رەسپۋبليكاسىنىڭ پرەزيدەنتى بەكىتەتىن «ا» كورپۋسىنىڭ مەملەكەتتىك اكىمشىلىك قىزمەتشىلەرىنە روتاتسيا جۇرگىزۋ قاعيدالارىندا كوزدەلگەن تارتىپتە جوسپارلى روتاتسيالاۋ شەڭبەرىندە جۇزەگە اسىرىلادى.»;
مىناداي مازمۇنداعى 5-1-تارماقپەن تولىقتىرىلسىن:
«5-1. «ا» كورپۋسىنىڭ مەملەكەتتىك اكىمشىلىك قىزمەتىنە جاتاتىن لاۋازىمعا روتاتسيالاۋ شەڭبەرىندە تاعايىنداۋدى كەلىسۋ رەسىمىنە قاجەتتى قۇجاتتار تىزبەسى قازاقستان رەسپۋبليكاسىنىڭ پرەزيدەنتى بەكىتەتىن «ا» كورپۋسىنىڭ مەملەكەتتىك اكىمشىلىك قىزمەتشىلەرىنە روتاتسيا جۇرگىزۋ قاعيدالارىندا ايقىندالادى.».
3. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن.نازارباەۆ.
استانا, اقوردا, 2014 جىلعى 13 قاڭتار. № 721
تولىعىمەن
قازاقستان رەسپۋبليكاسى پرەزيدەنتىنىڭ 2014 جىلعى 13 قاڭتارداعى №721 جارلىعىمەن بەكىتىلگەن
«ا» كورپۋسىنىڭ مەملەكەتتىك اكىمشىلىك قىزمەتشىلەرىنە روتاتسيا جۇرگىزۋ قاعيدالارى
1. جالپى ەرەجەلەر
1. «ا» كورپۋسىنىڭ مەملەكەتتىك اكىمشىلىك قىزمەتشىلەرىنە روتاتسيا جۇرگىزۋدىڭ وسى قاعيدالارى (بۇدان ءارى – قاعيدالار) «مەملەكەتتىك قىزمەت تۋرالى» 1999 جىلعى 23 شىلدەدەگى قازاقستان رەسپۋبليكاسىنىڭ زاڭىنىڭ 18-1-بابىن ىسكە اسىرۋ ماقساتىندا ازىرلەنگەن.
2. «ا» كورپۋسىنىڭ مەملەكەتتىك اكىمشىلىك قىزمەتشىسىن (بۇدان ءارى – «ا» كورپۋسىنىڭ قىزمەتشىسى) روتاتسيالاۋدى «ا» كورپۋسىنىڭ مەملەكەتتىك اكىمشىلىك لاۋازىمىنا تاعايىنداۋ جانە ودان بوساتۋ قۇقىعى بار ادام (ورگان) (بۇدان ءارى – ۋاكىلەتتى ادام) جۇزەگە اسىرادى.
3. قازاقستان رەسپۋبليكاسىنىڭ پرەزيدەنتى لاۋازىمعا تاعايىندايتىن جانە لاۋازىمنان بوساتاتىن «ا» كورپۋسىنىڭ قىزمەتشىسىن روتاتسيالاۋ قازاقستان رەسپۋبليكاسىنىڭ پرەزيدەنتى اكىمشىلىگى باسشىسىنىڭ ۇسىنۋىمەن جۇزەگە اسىرىلادى
4. روتاتسيا مىناداي ماقساتتاردا جۇرگىزىلەدى:
1) مەملەكەتتىك ورگاندار قىزمەتىنىڭ تيىمدىلىگىن ارتتىرۋ, وبلىستىق ماڭىزى بار قالالاردى, وبلىستاردىڭ اۋداندارى مەن قالالارداعى اۋدانداردى دامىتۋ;
2) سىبايلاس جەمقورلىق قۇقىق بۇزۋشىلىقتارىنىڭ الدىن الۋ;
3) «ا» كورپۋسىنىڭ قىزمەتشىلەرىنىڭ كاسىبي جانە باسقارۋشىلىق تاجىريبەسىن ءتيىمدى پايدالانۋ;
4) «ا» كورپۋسىنىڭ قىزمەتشىلەرىن كاسىبي دامىتۋ جانە ولاردىڭ باسقارۋشىلىق قۇزىرەتىن جەتىلدىرۋ.
5. «ا» كورپۋسىنىڭ قىزمەتشىلەرىن روتاتسيالاۋ ولاردىڭ كەلىسىمىمەن جانە «ا» كورپۋسىنىڭ مەملەكەتتىك اكىمشىلىك لاۋازىمدارىنا (بۇدان ءارى – «ا» كورپۋسىنىڭ لاۋازىمدارى) قويىلاتىن ارنايى بىلىكتىلىك تالاپتارىنا ساي بولعان جاعدايدا جۇرگىزىلەدى.
6. روتاتسيا مىناداي سحەمالاردىڭ ءبىرى بويىنشا جۇرگىزىلەدى:
1) دەڭگەيارالىق («ورتالىق – ءوڭىر», «ءوڭىر – ورتالىق»);
2) وڭىرارالىق («ءوڭىر - ءوڭىر»);
3) سەكتورارالىق («ورتالىق – ورتالىق»).
7. روتاتسيا شەڭبەرىندە «ا» كورپۋسىنىڭ لاۋازىمدارىنا تاعايىنداۋدى جانە (نەمەسە) كورسەتىلگەن لاۋازىمداردان بوساتۋدى راستايتىن قۇجاتتىڭ كوشىرمەسى لاۋازىمدارعا تاعايىندالعان جانە (نەمەسە) لاۋازىمداردان بوساتىلعان كۇننەن باستاپ ءۇش جۇمىس كۇنى ىشىندە مەملەكەتتىك قىزمەت ىستەرى جونىندەگى ۋاكىلەتتى ورگانعا (بۇدان ءارى – ۋاكىلەتتى ورگان) بەرىلەدى.
8. ۋاكىلەتتى ورگان روتاتسيا جۇرگىزۋ مونيتورينگىن تۇراقتى نەگىزدە جۇزەگە اسىرادى.
2. روتاتسيا جۇرگىزۋ ءتارتىبى
9. «ا» كورپۋسىنىڭ مەملەكەتتىك اكىمشىلىك لاۋازىمدارىنا تاعايىنداۋدى جانە ودان بوساتۋدى قازاقستان رەسپۋبليكاسىنىڭ پرەزيدەنتى جۇزەگە اسىراتىن جاعدايلاردى قوسپاعاندا, «ا» كورپۋسىنىڭ قىزمەتشىلەرىن جوسپارلى روتاتسيالاۋدى قازاقستان رەسپۋبليكاسىنىڭ پرەزيدەنتى جانىنداعى كادر ساياساتى جونىندەگى ۇلتتىق كوميسسيانىڭ (بۇدان ءارى – ۇلتتىق كوميسسيا) ۇسىنىمدارى نەگىزىندە ۋاكىلەتتى ادامدار جۇرگىزەدى.
10. ۋاكىلەتتى ادام «ا» كورپۋسىنىڭ قىزمەتشىسىمەن ەڭبەك شارتىنىڭ مەرزىمى وتكەنگە دەيىنگى ءتورت اي مەرزىمنەن كەشىكتىرمەي ۋاكىلەتتى ورگانعا مىناداي ۇسىنىستاردىڭ ءبىرىن ەنگىزەدى:
1) «ا» كورپۋسىنىڭ قىزمەتشىسىمەن ەڭبەك شارتىنىڭ مەرزىمىن ۇزارتۋ;
2) «ا» كورپۋسىنىڭ قىزمەتشىسىمەن ەڭبەك شارتىن بۇزۋ;
3) «ا» كورپۋسىنىڭ قىزمەتشىسىن روتاتسيالاۋعا ۇسىنىم بەرۋ.
ۋاكىلەتتى ادام «ا» كورپۋسىنىڭ قىزمەتشىسىن روتاتسيالاۋ جونىندەگى ۇسىنىستارىن وسى قاعيدالارعا قوسىمشاعا سايكەس نىساندا ەنگىزەدى.
11. ۋاكىلەتتى ورگان وسى قاعيدالاردىڭ 10-تارماعىنىڭ 2) جانە 3) تارماقشالارىندا كورسەتىلگەن ۇسىنىستار ەنگىزىلگەن «ا» كورپۋسىنىڭ لاۋازىمدارىنا كانديداتتاردىڭ ءتىزىمىن جاسايدى جانە ونى ۋاكىلەتتى ادامدارعا جولدايدى.
12. ۋاكىلەتتى ادامدار كانديداتتار تىزىمىنەن وسى قاعيدالاردىڭ 10-تارماعىنىڭ 2) جانە 3) تارماقشالارىندا كورسەتىلگەن ۇسىنىستار ەنگىزىلگەن ءاربىر لاۋازىمعا ءبىر كانديداتتى تاڭدايدى.
ۋاكىلەتتى ادامدار قاجەت بولعان جاعدايدا كانديداتتارمەن اڭگىمەلەسۋ وتكىزەدى, ۋاكىلەتتى ورگاننان ولاردىڭ ءبىلىمى تۋرالى مالىمەتتەردى, ولاردىڭ ەڭبەك قىزمەتى تۋرالى قۇجاتتارىنىڭ ەلەكتروندىق نۇسقاسىن سۇراتادى.
13. تاڭدالعان كانديداتتار بويىنشا ۇسىنىستار ۋاكىلەتتى ورگاننان كانديداتتار ءتىزىمىن العان كۇننەن باستاپ ەكى اپتا ىشىندە ۋاكىلەتتى ورگانعا جولدانادى.
ۋاكىلەتتى ادام ۋاكىلەتتى ورگانعا ۇسىنىستار جولداعانى تۋرالى تاڭدالعان كانديداتتارعا حابارلايدى.
14. ەگەر ۋاكىلەتتى ادام ۇسىنىلعان كانديداتتار تىزىمىنەن كانديداتۋرانى تاڭداماعان جاعدايدا, ول ۋاكىلەتتى ورگانننان كانديداتتار ءتىزىمىن العان كۇننەن باستاپ ەكى اپتا ىشىندە ۋاكىلەتتى ورگانعا ءتيىستى نەگىزدەمە ۇسىنادى.
15. ۋاكىلەتتى ورگان ۋاكىلەتتى ادامداردىڭ ۇسىنىستارى نەگىزىندە «ا» كورپۋسىنىڭ قىزمەتشىلەرىن روتاتسيالاۋ جوسپارىنىڭ جوباسىن جاسايدى, سونداي-اق وسى قاعيدالاردىڭ 10-تارماعىنىڭ 1)-2) تارماقشالارىندا كورسەتىلگەن ۋاكىلەتتى ادامداردىڭ ۇسىنىستارىن جيناقتاۋدى جۇزەگە اسىرادى.
16. ۋاكىلەتتى ورگان وسى قاعيدالاردىڭ 14 جانە 15-تارماقتارىندا كورسەتىلگەن ماتەريالداردى ۋاكىلەتتى ادامداردان ۇسىنىستاردى العان كۇننەن باستاپ ەكى اي ىشىندە ۇلتتىق كوميسسيانىڭ جۇمىس ورگانىنا جولدايدى.
17. ۇلتتىق كوميسسيانىڭ جۇمىس ورگانى قاجەت بولعان جاعدايدا «ا» كورپۋسىنىڭ قىزمەتشىلەرىن روتاتسيالاۋ جوسپارىنىڭ جوباسىنا «ا» كورپۋسىنىڭ قىزمەتشىلەرىمەن جانە ۋاكىلەتتى اداممەن كەلىسىم بويىنشا:
1) «ا» كورپۋسىنىڭ قىزمەتشىلەرىنىڭ قىزمەتىن جىل سايىنعى باعالاۋ ناتيجەلەرىن;
2) مەملەكەتتىك ورگانداردىڭ قىزمەتىنىڭ تيىمدىلىگىن جىل سايىنعى باعالاۋ ناتيجەلەرىن;
3) استانانىڭ, رەسپۋبليكالىق ماڭىزى بار قالانىڭ, وبلىستاردىڭ, وبلىستىق ماڭىزى بار قالالاردىڭ جانە اۋدانداردىڭ جىل سايىنعى رەيتينگتەرىنىڭ ناتيجەلەرىن;
4) قازاقستان رەسپۋبليكاسىنىڭ پرەزيدەنتى اكىمشىلىگىنىڭ ءتيىستى قۇرىلىمدىق بولىمشەلەرىنىڭ قورىتىندىلارىن جانە وزگە دە اقپاراتتى ەسكەرە وتىرىپ ءتيىستى تۇزەتۋلەر ەنگىزەدى.
روتاتسيالاۋ جوسپارىنىڭ جوباسىن كەلىسۋدى ۇلتتىق كوميسسيانىڭ قاراۋىنا ەنگىزگەنگە دەيىن ۇلتتىق كوميسسيانىڭ جۇمىس ورگانى جۇزەگە اسىرادى.
18. ەگەر ۇلتتىق كوميسسيانىڭ شەشىمىمەن وزگەشە بەلگىلەنبەسە, ۇلتتىق كوميسسيانىڭ جۇمىس ورگانى وسى قاعيدالاردىڭ 14 جانە 17-تارماقتارىندا كورسەتىلگەن ماتەريالداردى ۇلتتىق كوميسسيانىڭ قاراۋىنا «ا» كورپۋسى قىزمەتشىلەرىنىڭ ەڭبەك شارتىنىڭ مەرزىمى وتكەنگە دەيىنگى ءبىر ايدان كەشىكتىرمەي ەنگىزەدى.
19. ۇلتتىق كوميسسيا ماتەريالداردى قاراپ:
1) «ا» كورپۋسىنىڭ قىزمەتشىسىمەن ەڭبەك شارتىن ۇزارتۋ تۋرالى;
2) «ا» كورپۋسىنىڭ قىزمەتشىسىمەن ەڭبەك شارتىن بۇزۋ تۋرالى;
3) «ا» كورپۋسىنىڭ قىزمەتشىسىن روتاتسيالاۋ تۋرالى;
4) «ا» كورپۋسىنىڭ قىزمەتشىسىمەن ەڭبەك شارتىن بۇزۋ جانە ونى «ا» كورپۋسىنىڭ مەملەكەتتىك اكىمشىلىك قىزمەتىنىڭ كادر رەزەرۆىنە الۋ تۋرالى ۇسىنىمدار شىعارادى.
20. ۇلتتىق كوميسسيا قاجەت بولعان جاعدايدا «ا» كورپۋسىنىڭ قىزمەتشىسىمەن اڭگىمەلەسۋ وتكىزەدى.
21. ۇلتتىق كوميسسيا ماقۇلداعان «ا» كورپۋسىنىڭ قىزمەتشىسىن روتاتسيالاۋ جوسپارى ۋاكىلەتتى ادامدارعا جولدانادى.
22. ماقۇلدانعان روتاتسيالاۋ جوسپارى شەڭبەرىندە «ا» كورپۋسىنىڭ قىزمەتشىلەرىن تاعايىنداۋ «ا» كورپۋسىنىڭ قىزمەتشىلەرىمەن ەڭبەك شارتىنىڭ مەرزىمى وتكەنگە دەيىن جۇزەگە اسىرىلادى.
ەگەر «ا» كورپۋسىنىڭ قىزمەتشىسى روتاتسيا تارتىبىمەن ۇمىتتەنەتىن لاۋازىم روتاتسيا جۇرگىزۋ ساتىندە بوس بولماسا, وندا «ا» كورپۋسىنىڭ قىزمەتشىسى كورسەتىلگەن لاۋازىم بوساعانعا دەيىن اتقاراتىن لاۋازىمىندا جۇمىسىن جالعاستىرادى.
«ا» كورپۋسىنىڭ قىزمەتشىلەرىمەن ەڭبەك شارتىنىڭ مەرزىمى وتكەنگە دەيىن روتاتسيالاۋ جوسپارىن ماقۇلداۋ تۋرالى ۇلتتىق كوميسسيانىڭ شەشىمى بولماعان جاعدايدا, ۇلتتىق كوميسسيا نە ۇلتتىق كوميسسيا وكىلەتتىك بەرگەن جاعدايدا – ۋاكىلەتتى ادام ءتيىستى شەشىم قابىلداعانعا دەيىن ولار اتقاراتىن لاۋازىمىندا جۇمىسىن جالعاستىرادى.
«ا» كورپۋسىنىڭ قىزمەتشىلەرىن تاعايىنداۋ قولدانىستاعى زاڭنامانىڭ تالاپتارىن ەسكەرە وتىرىپ, ماقۇلدانعان روتاتسيالاۋ جوسپارىنا سايكەس جۇزەگە اسىرىلادى.
23. «ا» كورپۋسىنىڭ قىزمەتشىسىن روتاتسيالاۋ جوسپارىندا كوزدەلمەگەن جاعدايلاردا روتاتسيالاۋ, ەگەر سوڭعى اتقاراتىن «ا» كورپۋسىنىڭ لاۋازىمىندا بولۋ مەرزىمى كەمىندە ءبىر جىلدى قۇرايتىن بولسا, جۇرگىزىلەدى.
24. «ا» كورپۋسىنىڭ قىزمەتشىسىنە قاتىستى روتاتسيالاۋ جوسپارىندا كوزدەلمەگەن جاعدايلاردا روتاتسيالاۋ, ونىڭ سوڭعى اتقاراتىن «ا» كورپۋسىنىڭ لاۋازىمىندا بولۋ مەرزىمى ءبىر جىلدان كەم بولسا, قازاقستان رەسپۋبليكاسى پرەزيدەنتىنىڭ كەلىسىمىمەن جۇرگىزىلەدى.
25. «ا» كورپۋسىنىڭ قىزمەتشىسىندە الىنباعان تارتىپتىك جازاسى بولعاندا, روتاتسيالاۋ جوسپارىندا كوزدەلمەگەن جاعدايلاردا روتاتسيالاۋ جۇزەگە اسىرىلمايدى.
26. روتاتسيالاۋ جوسپارىندا كوزدەلمەگەن جاعدايلاردا, «ا» كورپۋسىنىڭ قىزمەتشىسىن مەملەكەتتىك ورگان ىشىندە جوعارى تۇرعان, تومەن تۇرعان نەمەسە ءمانى تەڭ لاۋازىمعا نە باسقا مەملەكەتتىك ورگانعا روتاتسيالاۋ جۇزەگە اسىرىلادى.
روتاتسيالاۋ جوسپارىندا كوزدەلمەگەن جاعدايلاردا, «ا» كورپۋسىنىڭ قىزمەتشىسىن مەملەكەتتىك ورگان ىشىندەگى جوعارى تۇرعان «ا» كورپۋسىنىڭ لاۋازىمىنا جانە باسقا مەملەكەتتىك ورگانداعى «ا» كورپۋسىنىڭ لاۋازىمىنا روتاتسيالاۋ قازاقستان رەسپۋبليكاسى پرەزيدەنتى اكىمشىلىگىنىڭ نەمەسە ۋاكىلەتتى ورگاننىڭ كەلىسىمىمەن جۇزەگە اسىرىلادى.
27. «ا» كورپۋسىنىڭ قىزمەتشىسىنە روتاتسيالاۋ جوسپارىندا كوزدەلمەگەن روتاتسيا جۇرگىزۋ جاعدايىندا, روتاتسيا جۇرگىزىلگەنگە دەيىن جاسالعان ەڭبەك شارتىنىڭ قالعان مەرزىمىنە جاڭا ەڭبەك شارتى جاسالادى.
28. «ا» كورپۋسىنىڭ قىزمەتشىسىنە روتاتسيالاۋ جوسپارىندا كوزدەلمەگەن روتاتسيا جۇرگىزۋ جاعدايىندا ۋاكىلەتتى ادام:
1) «مەملەكەتتiك بيلiك ورگاندارى جۇيەسىندەگى كادر ساياساتىنىڭ كەيبiر ماسەلەلەرi تۋرالى» قازاقستان رەسپۋبليكاسى پرەزيدەنتىنىڭ 2002 جىلعى 29 ناۋرىزداعى № 828 جارلىعىنا سايكەس لاۋازىمعا تاعايىنداۋ جانە لاۋازىمنان بوساتۋ جۇزەگە اسىرىلاتىن لاۋازىمدارعا ورنالاسۋعا ۇمىتكەر «ا» كورپۋسىنىڭ قىزمەتشىلەرىن, قازاقستان رەسپۋبليكاسى پرەزيدەنتى اكىمشىلىگىنىڭ سەكتور مەڭگەرۋشىلەرى لاۋازىمدارىنا ورنالاسۋعا ۇمىتكەر «ا» كورپۋسىنىڭ قىزمەتشىلەرىن روتاتسيالاۋ تۋرالى – قازاقستان رەسپۋبليكاسى پرەزيدەنتى اكىمشىلىگىنىڭ قاراۋىنا ۇسىنىس ەنگىزەدى. «ا» كورپۋسىنىڭ لاۋازىمىنا تاعايىنداۋ قازاقستان رەسپۋبليكاسى ۇكىمەتىنىڭ كەلىسىمى بويىنشا جۇزەگە اسىرىلاتىن جاعدايدا ۋاكىلەتتى اداممەن الدىن الا ءتيىستى كەلىسۋ جۇزەگە اسىرىلادى;
2) وسى تارماقتىڭ 1) تارماقشاسىندا كورسەتىلگەن ادامداردى قوسپاعاندا, «ا» كورپۋسىنىڭ لاۋازىمىنا ورنالاسۋعا ۇمىتكەر «ا» كورپۋسىنىڭ قىزمەتشىلەرىن روتاتسيالاۋ تۋرالى – ۋاكىلەتتى ورگاننىڭ قاراۋىنا ۇسىنىس ەنگىزەدى.
29. «ا» كورپۋسىنىڭ قىزمەتشىسىنە روتاتسيالاۋ جوسپارىندا كوزدەلمەگەن روتاتسيا جۇرگىزۋ جاعدايىندا, ۋاكىلەتتى ادام قازاقستان رەسپۋبليكاسى پرەزيدەنتى اكىمشىلىگىنىڭ نەمەسە ۋاكىلەتتى ورگاننىڭ قاراۋىنا مىناداي ماتەريالداردى ەنگىزەدى:
1) وسى قاعيدالاردىڭ قوسىمشاسىنا سايكەس نىسان بويىنشا «ا» كورپۋسىنىڭ قىزمەتشىسىنە ۇسىنىم;
2) روتاتسيا شەڭبەرىندە تاعايىنداۋعا «ا» كورپۋسىنىڭ قىزمەتشىسىنىڭ كەلىسىمى;
3) «ا» كورپۋسىنىڭ قىزمەتشىسىنىڭ قىزمەتتىك ءتىزىمى.
30. قازاقستان رەسپۋبليكاسى پرەزيدەنتىنىڭ اكىمشىلىگى نەمەسە ۋاكىلەتتى ورگان وسى قاعيدالاردىڭ 29-تارماعىندا كورسەتىلگەن ماتەريالداردى قاراۋ قورىتىندىسى بويىنشا مىناداي ۇسىنىمداردىڭ ءبىرىن شىعارادى:
1) لاۋازىمعا تاعايىنداۋ;
2) لاۋازىمعا تاعايىنداۋدان باس تارتۋ.
قازاقستان رەسپۋبليكاسى پرەزيدەنتىنىڭ
2014 جىلعى 13 قاڭتارداعى № 721 جارلىعىمەن
بەكىتىلگەن
«ا» كورپۋسىنىڭ مەملەكەتتىك اكىمشىلىك قىزمەتشىلەرىنە روتاتسيا جۇرگىزۋ قاعيدالارىنا
قوسىمشا
«ا» كورپۋسىنىڭ قىزمەتشىسىن
ۇسىنۋ
(«ا» كورپۋسىنىڭ لاۋازىمىنا تاعايىنداۋ جانە
لاۋازىمىنان بوساتۋ قۇقىعى بار تۇلعا (ورگان)
تولتىرادى)
«ا» كورپۋسىنىڭ قىزمەتشىسىنىڭ ت.ا.ءا. _____________
ەڭبەك شارتى مەرزىمىنىڭ اياقتالاتىن كۇنى ___________
«ا» كورپۋسىنىڭ قىزمەتشىسىن سوڭعى ءۇش جىل ىشىندەگى باعالاۋ ناتيجەلەرى ______________________________
روتاتسيا شەڭبەرىندە ۇسىنىلعان لاۋازىم (كورسەتىلەتىن لاۋازىم, مەملەكەتتىك ورگان جانە/نەمەسە ءوڭىر سانى ۇشتەن اسپايدى):
1) __________________________________________
2) __________________________________________
3) __________________________________________
ەگەر روتاتسيا شەڭبەرىندە لاۋازىم ۇسىنىلماسا, سەبەپتەرىن كورسەتۋ _______________________________________________________________________________________________________________________
كەلىسەمىن: ___________________________________
(«ا» كورپۋسىنىڭ قىزمەتشىسىنىڭ قولى, ت.ا.ءا.)
_____________________________________________
«ا» كورپۋسىنىڭ لاۋازىمىنا تاعايىنداۋ جانە لاۋازىمىنان بوساتۋ قۇقىعى بار ادامنىڭ ت.ا.ءا. (ورگاننىڭ اتاۋى)
_____________________________________________
«ا» كورپۋسىنىڭ لاۋازىمىنا تاعايىنداۋ جانە لاۋازىمىنان بوساتۋ قۇقىعى بار ادامنىڭ قولى (ورگاننىڭ اتاۋى)